ସ୍ବାବଲମ୍ବୀ କରୁଛି କ୍ୟାପସିକମ୍ ଚାଷ, ଆଦିବାସୀ ଅଞ୍ଚଳରେ ବଢ଼ୁଛି ଚାଷ ପ୍ରତି ଆଗ୍ରହ

କନ୍ଧମାଳ: କ୍ଯାପସିକମ ଚାଷ କରି ସ୍ବାବଲମ୍ବୀ ପାଲଟିଛନ୍ତି ଚାଷୀ । କନ୍ଧମାଳ ଜିଲ୍ଲା ଆଦିବାସୀ ଅଞ୍ଚଳରେ ଲୋକେ କ୍ୟାପସିକମ ଚାଷ କରୁଛନ୍ତି । ରାଜ୍ଯ ସରକାରଙ୍କ ଜିବିକା ମିଶନ ଓ ଆଇଟିଡିଏର ପ୍ରୋତ୍ସାହନରେ ଉପକୃତ ହେଉଛନ୍ତି ଚାଷୀ ।  ପ୍ରଥମ ପର୍ଯ୍ଯାୟରେ ସରାକାରଙ୍କ ପକ୍ଷରୁ ତିନୋଟି ବ୍ଲକର ୮୦ ଜଣ ଚାଷୀଙ୍କୁ କ୍ଯାପସିକମ ମଞ୍ଜି ଯୋଗାଇ ଦିଆଯାଇଛି । ଏହାର ବଜାରରେ ଚାହିଦା ଭଲ ରହିଛି । କିଲୋପିଛା ୭୦ ରୁ ୮୦ ଟଙ୍କାରେ ହେଉଛି ବିକ୍ରି । ଚାଷ କରି ଭଲ ଦୁଇ ପାଇସା ରୋଜଗାର କରୁପାରୁଛନ୍ତି ଚାଷୀ । ଏନେଇ ରାଜ୍ଯ ସରକାରଙ୍କୁ ଚାଷୀ ଧନ୍ଯବାଦ ଜଣାଇଛନ୍ତି ।

କନ୍ଧମାଳ ଜିଲ୍ଲାର ଫିରିଙ୍ଗିଆ, ଖଜୁରୀପଡ଼ା, ବ୍ଲକର ଚାଷୀ ଏହି କ୍ୟାସିକମ୍ ଚାଷ କରିଛନ୍ତି l ଫୁଲବାଣୀ ଗୁମାଗଡ଼ ପଞ୍ଚାୟତ ପ୍ରାଡ଼ିପଦର ଗାଁର ପ୍ରମୋଦ କହଁର ଚାଷ କରି ୬ କୁଇଣ୍ଟାଲ କ୍ଯାପସିକମ ବଜାରରେ ବିକ୍ରି କରି ରୋଜଗାରକ୍ଷମ ହୋଇପାରିଛନ୍ତି l ପ୍ରତ୍ଯେକ ଚାଷୀ ୧୫ ରୁ ୨୦ ଏକର  କ୍ଯାପସିକମ ଚାଷ କରୁଛନ୍ତି l ଏହି ଚାଷ ଭଲ ହୋଇଥିବାରୁ ଅନ୍ୟ ଚାଷୀ ମାନେ ଏଥିପ୍ରତି ଆଗ୍ରହ ପ୍ରକାଶ କରୁଥିବା ନେଇ ଆଇ ଟି ଡି ଏ ର ପ୍ରୋଜେକ୍ଟ ମ୍ୟାନେଜର୍ କହିଛନ୍ତି ।