କ୍ୟାନସର ରୋଗୀଙ୍କୁ ଆରାମ ଦେବ ଭାଙ୍ଗରୁ ପ୍ରସ୍ତୁତ ଔଷଧ…

ନିଶା ଦ୍ରବ୍ୟ ଭାବେ ଭାଙ୍ଗ ସବୁ ବେଳେ ବଦନାମ । କିନ୍ତୁ ଆପଣ ଜାଣନ୍ତି କି ଏହି ନିଶା ପଦାର୍ଥ ଭାବେ ପରିଚିନ ଭାଙ୍ଗରୁ ଏବେ କ୍ୟାନ୍ସର ରୋଗୀଙ୍କ କଷ୍ଟ ଦୂର ହେବ ବୋଲି ।ଶ କ୍ୟାନ୍ସର ରୋଗୀଙ୍କ ଦୁଃଖ ଦୂର କରିବାରେ ଅପବ୍ୟବହାରୀ ଭାଙ୍ଗ । ଏହା କ୍ୟାନ୍ସର ରୋଗୀଙ୍କ  ପାଇଁ ହେବ ଖୁବ୍ ପ୍ରଭାବଶାଳୀ । କାଉନସିଲ୍ ଅଫ୍ ସାଇଣ୍ଟିଫିକ୍ ଇଣ୍ଡଷ୍ଟ୍ରିଆଲ୍ ରିସର୍ଚ୍ଚ (CSIR) ଏବଂ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଟିଗ୍ରେଟିଭ୍ ମେଡିସିନ୍ (IIIM) ଭାଙ୍ଗ ଗଛରୁ ଔଷଧ ପ୍ରସ୍ତୁତ କରି ପରୀକ୍ଷା କରୁଛନ୍ତି । ଏହାକୁ ନେଇ ମୁମ୍ବାଇ କେନ୍ଦ୍ରରେ କ୍ଲିନିକାଲ ପରୀକ୍ଷା ଏବଂ ଜାମ୍ମୁ ସେଣ୍ଟରରେ ଟ୍ରାଏଲ କରାଯାଉଛି । ବର୍ତ୍ତମାନ ପର୍ଯ୍ୟନ୍ତ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ ଭାଙ୍ଗରୁ ପ୍ରସ୍ତୁତ ଔଷଧ ଅତ୍ୟଧିକ ପ୍ରଭାବଶାଳୀ ଏବଂ ଏହା କ୍ୟାନ୍ସର ରୋଗୀଙ୍କ ଯନ୍ତ୍ରଣାରୁ ମୁକ୍ତି ଦେଇ ପାରିବ ।

ଆଇଆଇଏମ୍ ଜାମ୍ମୁ ପଶୁମାନଙ୍କ ଉପରେ ଏକ ପ୍ରି-କ୍ଲିନିକାଲ୍ ପରୀକ୍ଷା କରିଛି । ଔଷଧ ଉପରେ ଗବେଷଣା କରୁଥିବା ଡାକ୍ତର କହିଛନ୍ତି ଯେ, ଗବେଷଣା ଶେଷ ହେବାକୁ ଯାଉଛି । ପଶୁମାନଙ୍କ ଉପରେ ସଫଳ ପରୀକ୍ଷଣ ପରେ, ଏହା ବର୍ତ୍ତମାନ ମାନବଙ୍କ ଉପରେ ବ୍ୟବହୃତ ହେଉଛି । ଏହି ଔଷଧ ଇଞ୍ଜେକ୍ସନ, ଟାବଲେଟ୍ ଏବଂ ତେଲ ଆକାରରେ ଦିଆଯିବ ।

କର୍କଟ ରୋଗୀମାନଙ୍କୁ ଔଷଧ ଦ୍ୱାରା ଆରାମ ମିଳୁଛି । IIIMର ସୂତ୍ରରୁ ଜଣାପଡିଛି ଯେ ଭାଙ୍ଗ ଗଛ ପରବର୍ତ୍ତୀ ଅଂଶ ନିଶା ଭାବେ ବ୍ୟବହୃତ ହେଉଥିବା ବେଳେ ସେହି ଗଛର ଅନ୍ୟ ଅଂଶ ରୋଗର ଔଷଧ ପ୍ରସ୍ତୁତ କରିବାରେ ସହାୟକ ହେଉଛି । ଏହାକୁ ଔଷଧ ରୂପେ ବ୍ୟବହାର କରିବା ଦ୍ୱାରା କୌଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ନଥାଏ । ତେବେ ଏହି ଔଷଧ ଉତ୍ପାଦନ ପାଇଁ କେନ୍ଦ୍ର ସରକାରଙ୍କଠାରୁ ଅନୁମତି ମଧ୍ୟ ନିଆଯାଇଛି ।

ତେବେ ମୁମ୍ବାଇରେ କ୍ଲିନିକାଲ ପରୀକ୍ଷା ଚାଲିଥିବା । ଏବଂ ଏହା ମଣିଷ ଉପରେ ହୋଇଥିବା ପରୀକ୍ଷଣ ଭଲ ଫଳାଫଳ ଦେଇଛି । ବର୍ତ୍ତମାନ ଏହି ଔଷଧ କ୍ଲିନିକାଲ ପରୀକ୍ଷା ପରେ ବଜାରକୁ ଅଣାଯିବ । ତେବେ ଏଥିପାଇଁ ୫ରୁ ୬ମାସର ସମୟ ଲାଗିବ ।