ବେତ ଓ ବାଉଁଶ ସାମଗ୍ରୀ ମାଆଙ୍କୁ କରିଛି ସ୍ବାବଲମ୍ବୀ

କଟକ: ରୋଜଗାର ଦେଉଛି ବେତ ଓ ବାଉଁଶରେ ତିଆରି ସାମଗ୍ରୀ । ବାଉଁଶରେ ନାନା ରକମର ଜିନିଷ ତିଆରି କରି ରୋଜଗାର କ୍ଷମ ହୋଇପାରିଛନ୍ତି କଟକ ଜିଲ୍ଲା ନରସିଂହପୁର ବ୍ଲକ ପଦାମାଳ ବାଣେଶ୍ଵରନାସି ଗାଁର ମିଶନ ଶକ୍ତି ମହିଳା । ବର୍ତ୍ତମାନର ପ୍ଲାଷ୍ଟିକ ଯୁଗରେ ବେତ ସାଗଗ୍ରୀର ଚାହିଦା ଭଲ ରହିଛି । ଯାହାକୁ ବଜାରରେ ବିକ୍ରି କରି ଭଲ ଦୁଇ ପଇସା ରୋଜଗାର କରିପାରୁଛନ୍ତି ମହିଳାମାନେ ।

ଆର୍ଥିକ ସ୍ତରରେ ସଶକ୍ତ ହେଉଛନ୍ତି ମହିଳା । ମିଶନ ଶକ୍ତି ଯୋଗାଇଛି ରୋଜଗାରର ରାହା । ରୋଜଗାର ଦେଉଛି ବାଉଁଶ ଓ ବେତ ନିର୍ମିତ ସାମଗ୍ରୀ । କଟକ ଜିଲ୍ଲା ନରସିଂହପୁର ବ୍ଲକ ପଦାମାଳ ବାଣେଶ୍ଵରନାସି ଗାଁର ମିଶନ ଶକ୍ତି ମହିଳା ବାଉଁଶରେ ଜିନିଷ ତିଆରି କରି ହୋଇପାରିଛନ୍ତି ରୋଜଗାର କ୍ଷମ । ମାଆ ମହାଲକ୍ଷ୍ମୀ ଉତ୍ପାଦିକା ଗୋଷ୍ଠୀର ମହିଳାମାନେ ବ୍ଯାଙ୍କରୁ ବିନା ସୁଧରେ ଋଣ ଆଣି ବେତ ଓ ବାଉଁଶରେ ତିଆରି କରୁଛନ୍ତି ନାନା ସାମଗ୍ରୀ । ବଜାରରେ ମଧ୍ଯ ଏହି ସମାଗ୍ରୀର ଚାହିଦା ଭଲ ରହିଛି । ଯାହାକୁ ବଜାରରେ ବିକ୍ରି କରି ଭଲ ଦୁଇ ପଇସା ରୋଜଗାର କରୁଛନ୍ତି ମହିଳା ।

ବାଣେଶ୍ୱରନାସୀ ଗାଁର ମାଆ ମହାଲକ୍ଷ୍ମୀ ଉତ୍ପାଦିକା ଗୋଷ୍ଠୀର ୧୫ ଜଣ ସଦସ୍ୟା ଦିନ ରାତି ପରିଶ୍ରମ କରି କରି ବେତ ଓ ବାଉଁଶରେ ବିଭିନ୍ନ ସାମଗ୍ରୀ ତିଆରି କରୁଛନ୍ତି । ବେତ ଓ ବାଉଁଶରୁ ଫୁଲଦାନୀ, ଚପଲ ଷ୍ଟାଣ୍ଡ, ପରିବା ଷ୍ଟାଣ୍ଡ, ବାଉଁଶ ଦୋଳି, ଠାକୁର ଖଟୁଲି, ସେର, ଜାଳି, ପାଛିଆ ଭଳି ସାମଗ୍ରୀ ତିଆରି କରୁଛନ୍ତି । ସେଗୁଡିକୁ ସ୍ଥାନୀୟ ନରସିଂହପୁର ଓ ବଡମ୍ବା ଅଞ୍ଚଳର ବିଭିନ୍ନ ବଜାରରେ ବିକ୍ରି କରୁଛନ୍ତି । ବଜାରରେ ଏହା ୫୦୦ ଟଙ୍କାରୁ ଆରମ୍ଭ କରି ୮ ହଜାର ଟଙ୍କାରେ ବିକ୍ରି ହେଉଛି । ସେପଟେ ମିଶନ ଶକ୍ତି ସଦସ୍ଯାମାନଙ୍କୁ ସରକାରୀ ସ୍ତରରେ ଅର୍ଥ ଯୋଗାଇ ଦିଆଯିବ ବୋଲି ବିଡିଓ ନୀଳ ମାଧବ ସୁନା କହିଛନ୍ତି ।