ବିନା ଅପରେସନରେ ଭଲ ହେଉଛି କ୍ୟାନସର । ପ୍ରାଥମିକ ପର୍ଯ୍ୟାୟରେ ଚିହ୍ନଟ ହେଲେ ବିନା ଅପରେନରେ ଭଲ ହୋଇପାରିବ ଏହି ଦୁରାରୋଗ । ବାହ୍ୟ ଶରୀରରେ କୌଣସି ଅପରେସନ ନ କରି ପାଟି କିମ୍ବା ମଳଦ୍ୱାର ପଟେ ହାଇଟେକ୍ନୋଲୋଜି ଜରିଆରେ ହୋଇପାରୁଛି ସଫଳ ଚିକିତ୍ସା । ଇଏସ୍ଡି ମାଧ୍ୟମରେ ଖାଦ୍ୟନଳୀ, ପାକସ୍ଥଳୀ, ମଳଦ୍ୱାର ଭଳି ସ୍ଥାନରେ କ୍ୟାନସର ଚିହ୍ନଟ ହେଲେ ତାହାକୁ ସଂପୂର୍ଣ୍ଣ ଭଲ କରାଯାଇପାରୁଛି । ତେବେ ରୋଗୀ ନିକଟରେ କ୍ୟାନସର ନେଇ ସାମାନ୍ୟ ସନ୍ଦେହ ହେଲେ ତୁରନ୍ତ ଟେଷ୍ଟିଂ କରିବା ହେଉଛି ଡାକ୍ତରଙ୍କ ଗୁରୁଦାୟିତ୍ୱ ।
କ୍ୟାନସର ପୂର୍ବାବସ୍ଥା, ସମ୍ଭାବନା କିମ୍ବା ପ୍ରାଥମିକ ପର୍ଯ୍ୟାୟ ହୋଇଥିଲେ ତୁରନ୍ତ ଚିକିତ୍ସା କରିବା ଆବଶ୍ୟକ ବୋଲି ଡାକ୍ତର ମନୋଜ ସାହୁ କହିଛନ୍ତି । ଏନେଇ ଆଡଭାନ୍ସ ଟେକ୍ନୋଲୋଜି ଓଡ଼ିଶାରେ ଉପଲବ୍ଧ ହୋଇଛି । ଏହି ସେବାକୁ ଡାକ୍ତର ମନୋଜ ୨୦୧୫ରୁ ଓଡ଼ିଶାରେ ଆରମ୍ଭ କରିଛନ୍ତି । ଏପର୍ଯ୍ୟନ୍ତ ୮୦ରୁ ଅଧିକ ରୋଗୀ ବିନା ଅପରେସନ୍ କିମ୍ବା ବିନା କେମୋ ଥେରାପିରେ ସୁସ୍ଥ ନିରାମୟ ଜୀବନଯାପନ କରୁଛନ୍ତି । ଜାପାନ ଟେକ୍ନୋଲୋଜି ହାଇରିଜଲ୍ୟୁସନ ଏଣ୍ଡୋସ୍କୋପି ଦ୍ୱାରା ରୋଗ ଚିହ୍ନଟ ହୋଇପାରୁଛି ବୋଲି ଡାକ୍ତର ମନୋଜ କହିଛନ୍ତି । ମୁଖ ଗହ୍ୱର କ୍ୟାନସରକୁ ମଧ୍ୟ ଭଲ କରାଯାଇପାରୁଛି ବୋଲି କହିଛନ୍ତି ମନୋଜ ।
