ରାଜଧାନୀରେ କର୍କଟ ରୋଗ ସମ୍ପର୍କୀତ ସଚେତନତା କାର୍ଯ୍ୟକ୍ରମ

ଭୁବନେଶ୍ବର: ଆଜି ବିଶ୍ବ କର୍କଟ ଦିବସ । ଏହି ଅବସରରେ ଭୁବନେଶ୍ବର ଆପ୍ନାଘର ପରିସରରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ୟୁନିଟ ଇଜ୍ ଷ୍ଟ୍ରେନ୍ଥ ଫାଉଣ୍ଡେସନ ଆଣ୍ଡ ଚାରିଟେବୁଲ ଟ୍ରଷ୍ଟ ମୁଖ୍ୟ ଗୋପାଳକୃଷ୍ଣ ଦାସ ଏବଂ ତାଙ୍କ କର୍ମକର୍ତ୍ତା ସାମିଲ ହୋଇ କର୍କଟ ରୋଗ ସମ୍ପର୍କୀତ ସଚେତନତା ବାର୍ତ୍ତା ଦେଇଥିଲେ ।

ଏହି ଅବସରରେ ଟ୍ରଷ୍ଟ ମୁଖ୍ୟ କର୍କଟ ରୋଗା ଶୀଘ୍ର ଚିହ୍ନଟ, ଉଚିତ ସମୟରେ ଉପଚାର, ମାନସିକ ଓ ଆର୍ଥିକ ସହଯୋଗର ଆବଶ୍ୟକତା ସମ୍ପର୍କରେ ବୁଝାଇଥିଲେ । ଟ୍ରଷ୍ଟ ପକ୍ଷରୁ ଯୋଗା ଯାଉଥିବା ସେବା ସମ୍ପର୍କରେ ଅବଗତ କରାଇବା ସହ କର୍କଟ ରୋଗୀଙ୍କ ସୁଷମ ଖାଦ୍ୟ ଉପରେ ଗୁରୁତ୍ବ ଦେଇଥିଲେ । ଆପ୍ନାଘରର ମାନସିକ ପରାମର୍ଶଦାତା ଅତସୀ ରଥ କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ ।