କଡ଼ା କରୋନା କଟକଣାକୁ ବିରୋଧ, ପ୍ରଧାନମନ୍ତ୍ରୀଙ୍କ ବାସଭବନ ଘେରିଲେ ବିକ୍ଷୋଭକାରୀ

ନୂଆଦିଲ୍ଲୀ: ପରିବାର ସହ ଘର ଛାଡ଼ି ପଳାଇଲେ ପ୍ରଧାନମନ୍ତ୍ରୀ । କାନାଡ଼ାରେ କଡ଼ା କରୋନା କଟକଣାକୁ ବିରୋଧ ବିକ୍ଷୋଭ ଚାଲିଛି । ଲୋକେ ପ୍ରଧାନମନ୍ତ୍ରୀଙ୍କ ବାସଭବନ ଆଗରେ ବିକ୍ଷୋଭ ପ୍ରଦର୍ଶନ କରୁଛନ୍ତି । ପ୍ରବଳ ବିରୋଧକୁ ଦେଖି ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡେ ପରିବାର ସହ ଅଜ୍ଞାତ ସ୍ଥାନକୁ ପଳାଇ ଯାଇଛନ୍ତି ।

ହଜାର ହଜାର ସଂଖ୍ୟାରେ ଟ୍ରକ୍ ଡ୍ରାଇଭର କରୋନା ଟିକା ଅନିର୍ବାଯ୍ୟ ଓ ଲକଡାଉନ୍ ବିରୋଧରେ ବିକ୍ଷୋଭ କରୁଛନ୍ତି । ପ୍ରାୟ ୭୦ କିଲୋମିଟର ଦୂର ଯାଏ ବିକ୍ଷୋଭକାରୀ ରହିଥିବା ବେଳେ ଏହାକୁ ‘ଫ୍ରୀଡମ୍ କନଭେ’ କୁହାଯାଉଛି । ଶନିବାର କାନାଡ଼ାର ରାଜଧାନୀ ଓଟୱାରେ ହଜାର ହଜାର ଲୋକ କୋଭିଡ୍ ଟିକାକରଣ ଅନିର୍ବାଯ୍ୟ ଓ କରୋନା କଟକଣାକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରିଥିଲେ ।

କିଛି ପ୍ରଦର୍ଶନକାରୀ କୋଭିଡ୍ କଟକଣାକୁ ଫାସୀବାଦ ସହ ତୁଳନା କରିବା ସହ କାନାଡ଼ା ପତାକା ସହ ତାଜି ପତାକା ଧରିଥିଲେ ।  ବିକ୍ଷୋଭ କରୁଥିବା ପ୍ରାୟ ୧୦ ହଜାର ଲୋକ ସଂସଦ ପରିସରରେ ପଶିଛନ୍ତି । ଉତ୍ତେଜନାକୁ ଦେଖି ପୋଲିସ ହାଇଆଲର୍ଟରେ ରହିଛି । ବିକ୍ଷୋଭକାରୀଙ୍କ ମଧ୍ୟରେ ମହିଳା ଓ ଛୁଆ ମଧ୍ୟ ରହିଛନ୍ତି । ସମସ୍ତେ କାନାଡ଼ା ପ୍ରଧାମନ୍ତ୍ରୀ ଜଷ୍ଟିନ୍ ଟ୍ରୁଡେଙ୍କୁ ସମାଲୋଚନା କରୁଛନ୍ତି ।