କାନାଡା ବ୍ରିଟିଶ କଲମ୍ବିଆ ଚିଲିଓ୍ବାକରେ ବିମାନ ଦୁର୍ଘଟଣା, ଦୁଇ ଭାରତୀୟ ଟ୍ରେନି ପାଇଲଟଙ୍କ ସମେତ ୩ ମୃତ

ନନ୍ଦିଘୋଷ ବ୍ୟୁରୋ: କାନାଡା ବ୍ରିଟିଶ କଲମ୍ବିଆରେ ବିମାନ ଦୁର୍ଘଟଣା । ଦୁର୍ଘଟଣାରେ ୩ ଜଣଙ୍କ ମୃତ୍ୟୁ । ମୃତକଙ୍କ ମଧ୍ୟରେ ଦୁଇଜଣ ଭାରତୀୟ ଟ୍ରେନି ପାଇଲଟ ଥିବା ସୂଚନା ମିଳିଛି । ଏହି ଦୁଇ ଭାରତୀୟ ହେଲେ ଅଭୟ ଗାଦ୍ରୁ ଓ ୟାଶ ବିଜୟ ରାମୁଗାଦେ । ସେମାନେ ମୁମ୍ବାଇର ବୋଲି ଜଣାପଡିଛି । ବ୍ରିଟିଶ କଲମ୍ବିଆର ଚିଲିଓ୍ବାକରେ ଘଟିଛି ଦୁର୍ଘଟଣା । ପାଇପର ପିଏ-୩୪ ସେନେକା ଟୁଇନ ଇଞ୍ଜିନ ହାଲୁକା ବିମାନର ଉଡାଣ ବେଳେ ଦୁର୍ଘଟଣା ଘଟିଥିଲା ।

ଏକ ବିମାନ ବନ୍ଦର ନିକଟରେ ଏହି ଦୁର୍ଘଟଣା ଘଟିଛି । ଭାଙ୍କୋଭରଠାରୁ ୧୦୦ କିଲୋମିଟର ଦୂର ଚିଲିଓ୍ବାକରେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ପରେ ଟ୍ରାନ୍ସପୋର୍ଟେସନ ସେଫଟି ବୋର୍ଡ ଅଫ କାନାଡା ପକ୍ଷରୁ ସେଠାକୁ ତଦନ୍ତକାରୀ ଟିମ ପଠାଯାଇଛି । ଦୁର୍ଘଟଣାସ୍ଥଳ ନିକଟରେ ଥିବା ହେଲି ମୋରିସ ନାମକ ବ୍ୟକ୍ତି ଏହି ଦୁର୍ଘଟଣାର ବାସ୍ତବ ଚିତ୍ର ଦେଖିବାକୁ ପାଇଥିଲେ । ଏଥିରେ ଥିବା ସମସ୍ତ ୩ ଜଣଙ୍କ ମୃତ୍ୟୁ ଘଟିଛି ବୋଲି କହିଛି ରୟାଲ କାନାଡିଆନ ମାଉଣ୍ଟେଡ ପୋଲିସ ।