ସାଧାରଣ ଲୋକଙ୍କୁ କାନାଡା ନୂଆ ସରକାରଙ୍କ ଉପହାର, କମାଇଲେ ଟିକସ

ନନ୍ଦିଘୋଷ ବ୍ୟୁରୋ ; କାନାଡାର ନୂଆ ସରକାର ଲୋକଙ୍କୁ ଉପହାର ଦେଇଛନ୍ତି । ମଧ୍ୟବିତ୍ତ ବର୍ଗଙ୍କ ପାଇଁ ଟିକସ ରିହାତି ଘୋଷଣା କରିଛନ୍ତି ସରକାର । ନୂଆ କ୍ୟାବିନେଟ ଗଠନ ପରେ ମଧ୍ୟବିତ୍ତ ବର୍ଗଙ୍କ ପାଇଁ ଟିକସ ରିହାତି ଘୋଷଣା । ୧ ଜୁଲାଇ ୨୦୨୫ ଠାରୁ ବ୍ୟକ୍ତିଗତ ଆୟକର ହାର ୧୫ ପ୍ରତିଶତରୁ ୧୪ ପ୍ରତିଶତକୁ ହ୍ରାସ କରାଯିବ। ଏହି ହ୍ରାସ ଦ୍ୱାରା ପ୍ରାୟ ୨ କୋଟି ୨୦ ଲକ୍ଷ କାନାଡିଆନ ଉପକୃତ ହେବେ ବୋଲି ଆଶା କରାଯାଉଛି।

ସରକାରୀ ଆକଳନ ଅନୁଯାୟୀ, ୨୦୨୬ ସୁଦ୍ଧା ଦୁଇ ଆୟକାରୀ ପରିବାର ବାର୍ଷିକ ୮୪୦ ଆମେରିକୀୟ ଡଲାର ପର୍ଯ୍ୟନ୍ତ ସଞ୍ଚୟ କରିପାରିବେ। ଏହି ଆଇନ ୧ ଜୁଲାଇ ୨୦୨୫ ରୁ କାର୍ଯ୍ୟକାରୀ ହେବ। ସରକାର କହିଛନ୍ତି ଯେ ଏହି ଟିକସ ହ୍ରାସ କଠିନ ପରିଶ୍ରମୀ କାନାଡିଆନମାନଙ୍କୁ ସେମାନଙ୍କର ଦରମାର ଅଧିକ ସଂରକ୍ଷଣ କରିବାରେ ସାହାଯ୍ୟ କରିବ ଯାହା ଦ୍ୱାରା ସେମାନେ ସେମାନଙ୍କର ଆବଶ୍ୟକତା ପୂରଣ କରିପାରିବେ। ବିବୃତ୍ତିରେ କୁହାଯାଇଛି, ଏଥି ଯୋଗୁଁ କାନାଡିଆନମାନେ ୨୦୨୫-୨୬ ରୁ ଆରମ୍ଭ କରି ପାଞ୍ଚ ବର୍ଷ ମଧ୍ୟରେ ୨୭ ବିଲିୟନ ଆମେରିକୀୟ ଡଲାରରୁ ଅଧିକ ଟିକସ ସଞ୍ଚୟ କରିବେ ବୋଲି ଆଶା କରାଯାଉଛି।

କାନାଡାର ପ୍ରଧାନମନ୍ତ୍ରୀ ମାର୍କ କାର୍ନି କହିଛନ୍ତି, ଟିକସ ହ୍ରାସ କଠିନ ପରିଶ୍ରମୀ କାନାଡିଆନମାନଙ୍କୁ ସାହାଯ୍ୟ କରିବ ଏବଂ ସେମାନେ ଏବେ ସେମାନଙ୍କର ଦରମାରୁ ଅଧିକ ସଞ୍ଚୟ କରିପାରିବେ । ଯାହା ଫଳରେ ପରିବାର ପାଇଁ ପ୍ରତିବର୍ଷ ୮୪୦ ଆମେରିକୀୟ ଡଲାର ପର୍ଯ୍ୟନ୍ତ ସଞ୍ଚୟ ହୋଇପାରିବ।