ଗ୍ୟାଙ୍ଗଷ୍ଟାର ଗୋଲ୍ଡି ଆତଙ୍କବାଦୀ ଘୋଷିତ

ନନ୍ଦିଘୋଷ ବ୍ୟୁରୋ: ଗ୍ୟାଙ୍ଗଷ୍ଟାର ଗୋଲ୍ଡି ବ୍ରାର ଆତଙ୍କବାଦୀ ଘୋଷିତ । ବେଆଇନ କାର୍ଯ୍ୟକଳାପ ନିରାକରଣ ଆଇନ ବା UAPA ଅନୁସାରେ ଗୋଲ୍ଡିକୁ ଆତଙ୍କବାଦୀ ଘୋଷଣା କଲା କେନ୍ଦ୍ର ଗୃହ ମନ୍ତ୍ରାଳୟ । ପଞ୍ଜାବର ପ୍ରଖ୍ୟାତ ଗାୟକ ସିଦ୍ଧୁ ମୋସେଓ୍ବାଲା ହତ୍ୟା ଘଟଣାରେ ଜଡିତ ଥିଲା ଗୋଲ୍ଡି । ବେଆଇନ ଘୋଷିତ ଖଲିସ୍ତାନୀ ସଂଗଠନ ବାବର ଖଲସା ଇଣ୍ଟରନ୍ୟାସନାଲ ସହ ତାର ସମ୍ପର୍କ ଥିବା ନେଇ ହୋଇଥିଲା ଅଭିଯୋଗ । କେନ୍ଦ୍ର ଗୃହ ମନ୍ତ୍ରାଳୟ କହିଛି- ବିଭିନ୍ନ ହତ୍ୟାକାଣ୍ଡ, ବିଭିନ୍ନ ଜାତୀୟତାବାଦୀ ନେତାଙ୍କୁ ଧମକ, ବଟି ମାଗିବା ଆଦି ଘଟଣାରେ ସେ ଥିଲା ସମ୍ପୃକ୍ତ । ପୂର୍ବରୁ କାନାଡା ସରକାର ପକ୍ଷରୁ ଘୋଷିତ ୨୫ ଜଣ ଓ୍ବାଣ୍ଟେଡ କ୍ରିମିନାଲ ତାଲିକାରେ ଗୋଲ୍ଡିର ନାମ ଥିଲା । ୨୦୧୭ରେ ଛାତ୍ର ଭିସା ନେଇ କାନାଡା ଚାଲିଯାଇଥିଲା ଗୋଲ୍ଡି । ୨୦୨୨ ମେ ୨୯ରେ ଶୁଭଦୀପ ସିଂ ସିଦ୍ଧୁ ଓରଫ ସିଦ୍ଧୁ ମୋସେଓ୍ବାଲା ହତ୍ୟା ଘଟଣାରେ ନିଜକୁ ଦାୟୀ କରିଥିଲା ଗୋଲ୍ଡି ।