ବିଧାନସଭା ମୌସୁମୀ ଅଧିବେଶନର ଚତୁର୍ଥ ଦିନ, ଆଜି ଗୃହ କାର୍ଯ୍ୟ ସ୍ବାଭାବିକ ନେଇ ଆଶା

ଭୁବନେଶ୍ୱର : ବିଧାନସଭା ମୌସୁମୀ ଅଧିବେଶନର ଚତୁର୍ଥ ଦିନ । ଆଜି ରହିଛି ବିଭିନ୍ନ ବିଭାଗର ପ୍ରଶ୍ନୋତ୍ତର କାର୍ଯ୍ୟକ୍ରମ ।  କୃଷି କୃଷକ ଶସକ୍ତିକରଣ, ଉଚ୍ଚଶିକ୍ଷା, ବିଦ୍ୟାଳୟ ଓ ଗଣଶିକ୍ଷା, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ , ଶ୍ରମ ଓ କର୍ମଚାରୀ ରାଜ୍ୟ ବିମା, ସମବାୟ, ମତ୍ସ୍ୟ ଓ ପଶୁସମ୍ପଦ ବିଭାଗର ଆଜି ପ୍ରଶ୍ନକାଳ ରହିଛି । ତିନିଦିନ ଧରି ଗୃହ ସ୍ବାଭାବିକ ଭାବେ ଚାଲିପାରୁନାହିଁ । ମୁଖ୍ୟ ବିରୋଧୀ ବିଜେପି ଗୃହରେ ହଟଗୋଳ ନାରାବାଜି କରି ଗୃହକୁ ଚଳାଇ ଦେଉନଥିବା ଅଭିଯୋଗ ହୋଇଆସୁଛି । ଫଳରେ ପ୍ରଶ୍ନକାଳ, ଶୁନ୍ୟ କାଳ, ଓ ମୁଲତବି ପ୍ରସ୍ତାବ ଆଲୋଚନା ହୋଇପାରୁନାହିଁ । ଯାହାକୁ ନେଇ କଂଗ୍ରେସ ଓ ବିଜେଡି, ବିଜେପିକୁ ଦାୟୀ କରିଛନ୍ତି । ତେଣୁ ଆଜି ଗୃହ ସ୍ବାଭାବିକ ଭାବେ ଚାଲିପାରିବ କି ନାହିଁ ସେନେଇ ସନ୍ଦେହ ଦେଖାଦେଇଛି