ସହମତିରେ ହେଉଥିବା ଶାରୀରିକ ସମ୍ପର୍କ ଦୁଷ୍କର୍ମ ହେବକି? କାହିଁକି ଏଭଳି ପ୍ରଶ୍ନ କଲେ ସୁପ୍ରିମକୋର୍ଟ
1 min read
ଲକ୍ଷ୍ନୌ: ଉତ୍ତରପ୍ରଦେଶର ଏକ ଦୁଷ୍କର୍ମ ମାମଲାକୁ ନେଇ ସୁପ୍ରିମକୋର୍ଟ ଅଭିଯୁକ୍ତକୁ ୪ ସପ୍ତାହ ପର୍ଯ୍ୟନ୍ତ ଗିରଫ ନକରିବା ପାଇଁ ରାୟ ଦେଇଛନ୍ତି। ଅଭିଯୁକ୍ତ ପୀଡିତାଙ୍କ ସହ ଲିଭ୍ ଇନ ରିଲେସନସିପ୍ରେ ରହୁଥିବା ବେଳେ ଏହା କିପରି ଏକ ଦୁଷ୍କର୍ମ ମାମଲା ବୋଲି କୋର୍ଟ ପ୍ରଶ୍ନ କରିଛନ୍ତି । ଲିଭ୍ ଇନ ରିଲେସନସିପ୍ରେ ରହୁଥିବା ବେଳେ ସହମତିରେ ଶାରୀରିକ ସମ୍ପର୍କ ରଖିଥିଲେ । ତେଣୁ ଏହା କିପରି ଦୁଷ୍କର୍ମ ହେଲା ବୋଲି କୋର୍ଟ କହିଛନ୍ତି ।
ସୂଚନା ଅନୁଯାୟୀ, ଉତ୍ତରପ୍ରଦେଶର ଜଣେ ଯୁବକଙ୍କ ବିବାହ ପରେ ଜଣେ ମହିଳା ତାଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଛନ୍ତି । ଯିଏକି ପୂର୍ବରୁ ସମ୍ପୃକ୍ତ ବ୍ୟକ୍ତିଙ୍କ ସହ ଲିଭ୍-ଇନ୍ରେ ରହୁଥିଲେ। ଏହାର ଶୁଣାଣି ବେଳେ ବିଚାରପତି ଓକିଲଙ୍କ ଉପରେ ବିରକ୍ତି ପ୍ରକାଶ କରିଥିବା ଜଣାପଡିଛି। ଯୁବକଙ୍କ ବିରୋଧରେ ନିର୍ଯାତନା ନେଇ ଅଭିଯୋଗ ଆଣିଥିଲେ ଯୁବତୀଙ୍କ ଓକିଲ । କୋର୍ଟ ପୁଣି ଥରେ ମାମଲାକୁ ସ୍ପଷ୍ଟ କରିବା ସହ ନିର୍ଯାତନା ମାମଲା ରୁଜୁ କରିବାକୁ ପରାମର୍ଶ ଦେଇଛନ୍ତି।
ଏଥିସହ ସମ୍ପୃକ୍ତଙ୍କ ଯୁବକଙ୍କୁ ୪ ସପ୍ତାହ ପର୍ଯ୍ୟନ୍ତ ଗିରଫ କରାଯାଇ ପାରିବ ନାହିଁ ବୋଲି କୋର୍ଟ କହିଛନ୍ତି। ପୂର୍ବରୁ ବିବାହ ପ୍ରତିଶ୍ରୁତି ଦେଇ ଯୁବକ ଜଣକ ଶାରୀରିକ ସମ୍ପର୍କ ରଖିଥିବା ସଂପୃକ୍ତ ଯୁବତୀ ଅଭିଯୋଗ କରିଥିଲେ ।
