ଆକାଶର ରଙ୍ଗ ବଦଳାଇ ଦେଲା କାଲିଫର୍ଣ୍ଣିଆର ଭୟାବହ ଅଗ୍ନିକାଣ୍ଡ, ସଙ୍କଟରେ ଜନଜୀବନ
ନୂଆଦିଲ୍ଲୀ: ଆମେରିକାର କାଲିଫର୍ଣ୍ଣିଆ,ଓରେଗନ ଏବଂ ଓ୍ୱାଶିଂଟନ ଜଙ୍ଗଲରେ ହୋଇଥିବା ଅଗ୍ନିକାଣ୍ଡ ଲୋକଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଛି । ସାନ ଫ୍ରାନ୍ସିସ୍କୋ ସହିତ ସମଗ୍ର ଓ୍ୱେଷ୍ଟ କୋଷ୍ଟ ଧୂଆଁରେ ଭରିଗଲା । ଏହି ବିପଦରୁ ବଞ୍ଚିବା ପାଇଁ ଲକ୍ଷାଧିକ ଲୋକ ଘରଛାଡ଼ି ସୁରକ୍ଷିତ ସ୍ଥାନକୁ ଯିବାପାଇଁ ବାଧ୍ୟ ହେଲେ । କେତେକ ସ୍ଥାନରେ ଅତ୍ୟଧିକ ଧୂଆଁ କାରଣରୁ ଆକାଶର ରଙ୍ଗ ନୀଳରୁ ନାରଙ୍ଗୀ ହୋଇଗଲା ।
ବାସ୍ତବରେ ଏହି ଅଗ୍ନିରେ କାଲିଫର୍ଣ୍ଣିଆ,ଓରେଗନ ଏବଂ ଓ୍ୱାଶିଂଟନରେ ମୃତ୍ୟୁ ସଂଖ୍ୟା ୩୧କୁ ବୃଦ୍ଧି ହୋଇଛି । ଏହା ସହିତ ମୃତକଙ୍କ ସଂଖ୍ୟା ବଢିପାରେ ଆଶଙ୍କା ରହିଛି । ସବୁଠାରୁ ଅଧିକ ମୃତ୍ୟୁ କାଲିଫର୍ଣ୍ଣିଆ ଏବଂ ଓରେଗନରେ ହୋଇଛି । ଓରେଗନର ଆପାତକାଳ ପ୍ରବନ୍ଧନ ନିର୍ଦ୍ଦେଶକ ଏହି ବୟାନ ଦେଇଛନ୍ତି ।
ରିପୋର୍ଟ ଅନୁସାରେ ରାଜ୍ୟର ଫାୟର ମାର୍ଶଲ ଅଚାନକ ପ୍ରଶାସନିକ ଛୁଟିରେ ରହିଥିବାରୁ ଇସ୍ତଫା ଦେଇଛନ୍ତି । ଧୂଆଁ କାରଣରୁ ଘରେ ରହିଥିବା ଲୋକ ସୁରକ୍ଷିତ ଅଛନ୍ତି । ଓରେଗନ ନିକଟରେ ୫ ଲକ୍ଷ ଲୋକଙ୍କୁ ଘର ଛାଡ଼ି ସୁରକ୍ଷିତ ସ୍ଥାନକୁ ଯିବା ପାଇଁ କୁହାଯାଇଥିଲା । ତେବେ ବାୟୁ ପ୍ରଦୂଷଣ ସ୍ତର ଏତେ ଉପରକୁ କେବେ ଉଠିନଥିବା ରିପୋର୍ଟରେ ଉଲ୍ଲେଖ ରହିଛି । ଘରକୁ ଧୂଆଁ ପ୍ରବେଶକୁ ଅଟକାଇବା ପାଇଁ ଲୋକ ଦ୍ୱାରବନ୍ଧରେ ଟାଓ୍ୱେଲ ଆଦି ବ୍ୟବହାର କରିଥିଲେ। କେହି କେହି ଘରେ ମାସ୍କ ମଧ୍ୟ ପିନ୍ଧୁଛନ୍ତି ।
