ଆସୁଛି କ୍ରିସମାସ୍: ଆରମ୍ଭ ହେଲାଣି କେକ୍ ସେରିମୋନି

କଟକ: ପାଖେଇ ଆସିଲାଣି କ୍ରିସମାସ୍ । ଏଥିପାଇଁ କଟକର ବିଭିନ୍ନ ହୋଟେଲରେ ଆରମ୍ଭ ହୋଇଗଲାଣି କେକ୍ ସେରିମୋନି । ବିଶେଷ କରି ବିଭିନ୍ନ ପ୍ରକାରର କେକ୍ ଓ ଚକୋଲେଟ ତିଆରି ପାଇଁ ଚାଲିଛି ଜୋରଦାର ପ୍ରସ୍ତୁତି । ଗ୍ରାହକଙ୍କୁ ଆକୃଷ୍ଟ କଲାଭଳି ପ୍ଲମ କେକ୍, ଫ୍ରୁଟ୍ କେକ୍ ସାଙ୍ଗକୁ ଏବେ ଡ୍ରାଏ ଫ୍ରୁଟ୍ ସହ ବିଭିନ୍ନ ପ୍ରକାର ଓ୍ବାଇନ ମିଶ୍ରଣ କରି ତିଆରି ହେଉଛି ସ୍ବତନ୍ତ୍ର କେକ୍ । ଆଗକୁ କ୍ରିସମସ୍ ସହ ନୂଆବର୍ଷ । କଟକଣା ହଟିଥିବାରୁ ଧୁମଧାମରେ ପାଳିବେ ଲୋକେ ।

ସେପଟେ ଏଥିପାଇଁ କଟକର ବିଭିନ୍ନ ହୋଟେଲ ଓ ରେଷ୍ଟୁରାଣ୍ଟ ଗୁଡିକରେ ଚାଲିଛି ବ୍ୟାପକ ପ୍ରସ୍ତୁତି । ବିଶେଷକରି ବଡ଼ଦିନ ପାଇଁ ସ୍ୱତନ୍ତ୍ର ଭାବେ ପ୍ରସ୍ତୁତ ହେଉଛି ଭଳିକି ଭଳି କେକ୍ । ଗ୍ରାହକଙ୍କୁ ଆକୃଷ୍ଟ କଲାଭଳି ‘ପ୍ଲମ କେକ’ ସହ କାଜୁ, କିସମିସ୍, ବ୍ଲାକ କରାଣ୍ଟ, ମୂର୍ରବା, ଚେରୀ ଓ ଗରମ ମସଲା ସହ ପାଖାପାଖି ୨୦ରୁ ଉର୍ଦ୍ଧ୍ବ ଡ୍ରାଏ ଫ୍ରୁଟରେ ତିଆରି ହେଉଛି କେକ୍ । ଖାଲି ଏତିକି ନୁହେଁ ଏଥିରେ ମିଶୁଛି ନାମିଦାମୀ ବ୍ରାଣ୍ଡର ୱlଇନ ।

ବଡ଼ଦିନ ଓ ନୂଆ ବର୍ଷରେ କେକ ପ୍ରତି ସାଧାରଣ ଲୋକଙ୍କର ରହିଥାଏ ଅହେତୁକ ଆକର୍ଷଣ  । ସେଥିପାଇଁ ବିଭିନ୍ନ ହୋଟେଲ ଗୁଡିକରେ ଆରମ୍ଭ ହୋଇଯାଇଛି କେକ୍ ସେରିମୋନି । ଭିନ୍ନ ଭିନ୍ନ ନୂଆ ଧରଣ କେକ୍ ଲୋକଙ୍କ ପସନ୍ଦ ଆସିବ ବୋଲି ଆଶା ରଖିଛନ୍ତି ହୋଟେଲ ମାଲିକ । ଖାଲି କେକ କି ଚକୋଲେଟ ନୁହେଁ ବରଂ ଗ୍ରାହକଙ୍କୁ ସ୍ୱାଗତ କରିବା ପାଇଁ କଟକର ହୋଟେଲ ଗୁଡିକ ପକ୍ଷରୁ ଆରମ୍ଭ ହୋଇଯାଇଛି ସାଜସଜ୍ଜା ।