CAAକୁ ଆସାମରେ ବିରୋଧ

ଗୌହାଟୀ: ଦେଶରେ ଲାଗୁ ହେଲା CAA । କେନ୍ଦ୍ର ସରକାର ଏହାକୁ ଲାଗୁ କରିଛନ୍ତି । ତେବେ ଏହା ଲାଗୁ ହେବା ପରେ ବିଭିନ୍ନ ସ୍ଥାନରେ ଦେଖିବାକୁ ମିଳିଛି ବିରୋଧ । ଆସାମ ରାଜଧାନୀ ଗୌହାଟୀରେ ଅଲ ଆସାମ ଷ୍ଟୁଡେଣ୍ଟସ ଫେଡେରେସନ ବିରୋଧ କରିଛି ।

ଏହି ନିୟମ ଲାଗୁ ହେଲେ ଆସାମରେ ତୀବ୍ର ବିରୋଧ ପ୍ରଦର୍ଶନ କରାଯିବ ବୋଲି ପୂର୍ବରୁ କହିଥିଲା ଅଲ ଆସାମ ଷ୍ଟୁଡେଣ୍ଟସ ଫେଡେରେସନ । ଆସନ୍ତାକାଲିଠାରୁ ଶାନ୍ତିପୂର୍ଣ୍ଣ ଭାବେ ଏହି ନିୟମକୁ ବିରୋଧ ପ୍ରଦର୍ଶନ କରାଯିବ । ସେହିପରି ଅଲ ନର୍ଥ ଇଷ୍ଟ ଷ୍ଟୁଡେଣ୍ଟସ ଫେଡେରେସନ ପକ୍ଷରୁ ଆଇନଗତ ଲଢେଇ ଲଢିବାକୁ ଚେତାବନୀ ଦେଇଛି ସଂଗଠନ । ଏହା ପୂର୍ବରୁ ମଧ୍ୟ CAA ନିୟମକୁ ନେଇ ବିରୋଧ ପ୍ରଦର୍ଶନ ହୋଇଥିଲା । ଗତ ୭ ତାରିଖରେ ଆସାମରେ ୩୦ଟି ଅନୁସୂଚିତ ଜନଜାତି CAAକୁ ନେଇ ବିରୋଧ ପ୍ରଦର୍ଶନ କରିଥିଲେ । ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମାଙ୍କୁ ବିରୋଧ ପ୍ରଦର୍ଶନ କରିଥିଲେ ।