ବାଲେଶ୍ୱର,ତିର୍ତ୍ତୋଲ ଉପ-ନିର୍ବାଚନ ପାଇଁ ତାରିଖ ଘୋଷଣା,ନଭେମ୍ବର ୩ରେ ଭୋଟ୍

ନୂଆଦିଲ୍ଲୀ: ବାଲେଶ୍ୱର ଓ ତିର୍ତ୍ତୋଲ ବିଧାନସଭା ଆସନ ପାଇଁ ନଭେମ୍ବର ୩ ତାରିଖରେ ଉପନିର୍ବାଚନ ହେବ । ଏନେଇ ଆଜି ନିର୍ବାଚନ କମିଶନ ଘୋଷଣା କରିଛନ୍ତି । ଅକ୍ଟୋବର ୯ ତାରିଖରେ ଏନେଇ ବିଜ୍ଞପ୍ତି ପ୍ରକାଶ ପାଇବ  । ଅକ୍ଟୋବର ୧୬ ତାରିଖ ହେଉଛି ପ୍ରାର୍ଥୀ ପତ୍ର ଦାଖଲର ଶେଷ ତାରିଖ  । ଅକ୍ଟୋବର ୧୭ରେ ପାର୍ଥୀପତ୍ର ଯାଂଚ ହେବ ।

ଅକ୍ଟୋବର ୧୯ ତାରିଖ ସୁଧା ନାମାଙ୍କନ ପତ୍ର ପ୍ରତ୍ୟାହାର କରାଯାଇ ପାରିବ ।  ନିର୍ବାଚନ ପ୍ରକ୍ରିୟା ନଭେମ୍ବର ୧୨ ପୂର୍ବରୁ ସରିବ ।  ନିର୍ବାଚନ ତାରିଖ ଘୋଷଣା ସହିତ ଆଦର୍ଶ ଆଚରଣ ବିଧି ଲାଗୁ ହୋଇଛି ।  ନଭେମ୍ବର ୩ ତାରିଖରେ ଉପନିର୍ବାଚନ ପାଇଁ ଭୋଟିଂ ସରିବା ପରେ ନଭେମ୍ବର ୧୦ ତାରିଖରେ ଫଳାଫଳ ଘୋଷଣା ହେବ ।

ଓଡ଼ିଶା ସମେତ ଗୁଜୁରାଟ,ନାଗାଲ୍ୟାଣ୍ଡ୍,ମଣିପୁର ସମେତ କିଛି ରାଜ୍ୟର ୫୬ ବିଧାନସଭା ଆସନ ଓ ଗୋଟିଏ ଲୋକସଭା ଆସନ ପାଇଁ ଉପ-ନିର୍ବାଚନ ଅନୁଷ୍ଠିତ ହେବ ।  ଏହି ସବୁ ସିଟରେ ନଭେମ୍ବର ୩ ତାରିଖରେ ଭୋଟ୍ ପଡିବ । କରୋନା ଗାଇଡ୍ ଲାଇନ୍ ଅନୁସାରେ ଭୋଟିଂ ହେବ ।  ତେବେ ଆସାମ,କେରଳ,ତାମିଲନାଡୁ ଓ ପ.ବଙ୍ଗର ୭ ବିଧାନସଭା ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେବ ନାହିଁ ।

ଏହି ସବୁ ରାଜ୍ୟରେ ଭୋଟିଂ କରିବାରେ ଅସୁବିଧା ହେବାର ସମ୍ଭାବନା ଥିବାରୁ ନିର୍ବାଚନ ନକରିବାକୁ କମିଶନ ନିଷ୍ପତ୍ତି ନେଇଛନ୍ତି । ପରେ ଏହି ସବୁ ରାଜ୍ୟରେ ଉପ-ନିର୍ବାଚନ କରିବାକୁ ରାଜ୍ୟ ସରକାରଙ୍କ ସହ ଆଲୋଚନା ପରେ ନିଷ୍ପତ୍ତି ନିଆଯିବ ବୋଲି କମିଶନ କହିଛନ୍ତି ।