ରାସ୍ତା ଉପରେ ହୁତୁହୁତୁ ହୋଇ ଜଳିଗଲା ବସ୍, ବସରେ ଥିଲେ ୩୦ ଯାତ୍ରୀ

କନ୍ଧମାଳ: ଚଳନ୍ତା ବସରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ଯାତ୍ରୀ । ରାସ୍ତାରେ ହୁତୁହୁତୁ ହୋଇ ଜଳିଗଲା ଯାତ୍ରୀବାହୀ ବସ୍ । କନ୍ଧମାଳ ଜିଲ୍ଲା କ.ନୂଆଗାଁ ଥାନା ଧୁଙ୍ଗିଆଦିଆ ଘାଟିରେ ଜଳିଗଲା ରୁଦ୍ରକାଳୀ ନାମକ ଯାତ୍ରୀବାହୀ ଘରୋଇ ବସ୍  ଜଳି ଯାଇଥିବା ଜଣାପଡ଼ିଛି । ଅଳ୍ପକେ ବର୍ତ୍ତି ଯାଇଛନ୍ତି ବସରେ ଥିବା ପାଖାପାଖି ୩୦ ଯାତ୍ରୀ ।

ସୂଚନା ଅନୁସାରେ, ବସଟି ସକାଳୁ କଳାହାଣ୍ଡି ଜିଲ୍ଲାର ଏମ ରାମପୁରରୁ ଭଞ୍ଜନଗର ଅଭିମୁଖେ ବାହାରିଥିଲା । ବାଲିଗୁଡ଼ାରୁ ପ୍ରାୟ ୧୦ କିଲୋମିଟର  ଧୁଙ୍ଗିଆଦିଆ ଘାଟି ଉଠୁଥିବା ସମୟରେ ହଠାତ୍ ସର୍ଟ ସର୍କିଟ ଯୋଗୁଁ ଗାଡ଼ିରେ ନିଆଁ ଲାଗିଯାଇଥିବାରୁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି ।

ଏବଂ ଗାଡ଼ିରେ ଥିବା ପାଖାପାଖି ୩୦ ଯାତ୍ରୀ ଅଳ୍ପକେ ବର୍ତ୍ତିଯାଇଛନ୍ତି । ତେବେ ଗାଡ଼ି ସହ ଜିନିଷପତ୍ର ସବୁ ଜଳିପୋଡ଼ି ପାଉଁଶ ହୋଇଯାଇଛି । ତେବେ ଗାଡ଼ିରେ ହଠାତ ନିଆଁ ଲାଗିବାରୁ ପ୍ରାଣ ବଞ୍ଚାଇବାକୁ ଲୋକେ ବସରୁ ଓହ୍ଲାଇ ଯାଇଥିଲେ ବି ବସରେ ଥିବା ସେମାନଙ୍କ ଜିନିଷ ପତ୍ର ଆଣିବାର ସୁଯୋଗ ପାଇ ନଥିଲେ । ତେବେ ଏଥିରେ ଥିବା ଜଣେ ଯୁବତୀଙ୍କ ସାର୍ଟିଫିକେଟ, ଟଙ୍କା ଓ ମୋବାଇଲ୍ ମଧ୍ୟ ଗାଡ଼ି ଭିତରେ ଜଳି ପାଉଁଶ ହୋଇଯାଇଥିବା କହିଛନ୍ତି ଯୁବତୀ ଜଣକ ।