ଭଦ୍ରକ: ଗ୍ୟାରେଜରେ ହୁତୁ ହୁତୁ ହୋଇ ଜଳିଗଲା ୪ଟି ବସ ଓ ଗୋଟିଏ ସ୍କର୍ପିଓ। ବସରେ ଥିବା କଣ୍ଡକ୍ଟର ନିଆଁ ଲାଗିବା ଦେଖି ବାହାରକୁ ଆସି ଅଳ୍ପକେ ବର୍ତ୍ତି ଯାଇଛନ୍ତି। ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଭଦ୍ରକ ୧୬ ନମ୍ବର ଜାତୀୟ ରାଜପଥ ଡାହାଣୀଗଡ଼ିଆ ଛକ ନିକଟ ହରିଶଙ୍କର ଗ୍ୟାରେଜରେ ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିଲା। ଫଳରେ ୪ଟି ବସ ଓ ଗୋଟିଏ ସ୍କର୍ପିଓ ସମେତ ଗୋଟିଏ କ୍ୟାବିନ ସମ୍ପୂର୍ଣ୍ଣ ଜଳି ପୋଡ଼ି ପାଉଁଶ ହୋଇଯାଇଛି। ତେବେ କେଉଁ କାରଣରୁ ନିଆଁ ଲାଗିଛି ତାହାର କାରଣ ଅସ୍ପଷ୍ଟ ରହିଛି। ହେଲେ ଏତେ ରାତିରେ ଏକାଥରକରେ ଏତେ ବସ୍ କେମିତି ନିଆଁ ଲାଗିଲା ତାକୁ ନେଇ ଏବେ ବଡ଼ ପ୍ରଶ୍ନ ଦେଖା ଉଠଠିଛି।
