ଓଲଟିଲା ଶ୍ରମିକଙ୍କୁ ନେଇ ହାଇଦ୍ରାବାଦ ଯାଉଥିବା ବସ୍
ଧର୍ମଗଡ଼: ପ୍ରବାସୀଙ୍କ ବସ୍ ଦୁର୍ଘଟଣାଗ୍ରସ୍ତ । କଳାହାଣ୍ଡି ଜିଲ୍ଲା ଧର୍ମଗଡ଼ ଥାନା କେନ୍ଦୁଗୁଡ଼ା ନିକଟରେ ବସ୍ ଓଲଟି ପଡ଼ିଛି । ଭାରସାମ୍ୟ ହରାଇ ଗୁପ୍ତା ନାମକ ବସ୍ ଓଲଟି ପଡ଼ିଥିବା ବେଳେ ୧୦ରୁ ଅଧିକ ଆହତ ହୋଇଛନ୍ତି । ଛତିଶଗଡ଼ର ଦେଓଭୋଗରୁ ହାଇଦ୍ରାବାଦକୁ ଶ୍ରମିକମାନଙ୍କୁ ନେଇ ଯାଉଥିବାବେଳେ ବସଟି ଭାରସାମ୍ୟ ହରାଇ କେନ୍ଦୁଗୁଡ଼ା ନିକଟରେ ଓଲଟି ପଡ଼ିଥିଲା ।
ଓଲଟି ପଡ଼ିଥିବା ଗୁପ୍ତା ନାମକ ବସରେ ୪୫ରୁ ଅଧିକ ଯାତ୍ରୀ ଥିବାବେଳେ ୧୦ରୁ ଅଧିକ ଆହତ ହୋଇଛନ୍ତି । ବସ୍ ଡ୍ରାଇଭରଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି । ଗୁରୁତର ଆହତଙ୍କୁ ଧର୍ମଗଡ଼ ଓ କୋକସରା ମେଡିକାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ ଏକାଧିକ ମହିଳା ଓ ଶିଶୁ ଥିବା ସୂଚନା ମିଳିଛି ।
