୨ ମହିଳାଙ୍କ ଉପରେ ମାଡ଼ିଗଲା ବସ୍, ଜଣେ ମୃତ, ଜଣେ ଆହତ

ପିପିଲି: ପୁରୀ ଜିଲ୍ଲା କରମଳା ସ୍ଥିତ ଶାନ୍ତି ଆନନ୍ଦାଶ୍ରମରେ ଅଘଟଣ । ତୀର୍ଥଯାତ୍ରୀଙ୍କୁ ନେଇ ଆସିଥିବା ଏକ ବସ୍‌ ପଛକୁ ଯିବା ବେଳେ ଦୁଇଜଣ ମହିଳାଙ୍କ ଉପରେ ମାଡ଼ି ଯାଇଥିଲା । ଏଥିରେ ଜଣେ ପ୍ରାଣ ହରାଇଛନ୍ତି, ଆଉ ଜଣେ ଆହତ ହୋଇଛନ୍ତି ।

ତୀର୍ଥଯାତ୍ରୀଙ୍କୁ ନେଇ ବସ୍‌ଟି କେନ୍ଦ୍ରାପଡ଼ା ଜିଲ୍ଲାରୁ କରମଳା ଶାନ୍ତି ଆନନ୍ଦାଶ୍ରମକୁ ଆସିଥିଲା । ବସ୍‌ଟି ପଛକୁ ଯିବା ବେଳେ ଡ୍ରାଇଭରଙ୍କ ଅସାବଧାନତାରୁ ଦୁର୍ଘଟଣା ଘଟିଥିବା କୁହାଯାଉଛି । ନୟନା ସାହୁ ନାମକ ମହିଳାଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସମୁଦୁଣୀ ଆହତ ହୋଇଛନ୍ତି ।