ବ୍ରିଜ ତଳକୁ ଖସିଲା ବସ୍, ଜଣେ ମୃତ

ନୟାଗଡ: ରାତି ଅଧରେ ବଡ ଦୁର୍ଘଟଣା । ବ୍ରିଜ ତଳକୁ ଖସିଲା ବସ୍, ଜଣେ ମୃତ । ବସରେ ପାଖାପାଖି ୪୦ଯାତ୍ରୀ ଥିଲେ । ନୟାଗଡ଼ ରଣପୁରରେ ବ୍ରିଜ ତଳକୁ ଯାତ୍ରୀବାହୀ ବସଟି ଖସିପଡିଛି । ଭାରସାମ୍ୟ ହରାଇ ବସଟି ଦୁର୍ଘଟଣାଗ୍ରସ୍ତ ହୋଇଥିବା ପ୍ରାଥମିକ ତଦନ୍ତରୁ ସୂଚନା ମିଳିଛି । ଗୋପାଳପୁର ନିକଟ ଖଣ୍ଡିସି ବ୍ରିଜ ନିକଟରେ ଖସି ପଡିଛି ବସ୍। ଦୁର୍ଘଟଣାରେ ଜଣଙ୍କର ମୃତ୍ଯୁ ହୋଇଥିବାବେଳେ ୧୦ ଜଣ ଗୁରୁତର ଅଛନ୍ତି । ୧୯ ଜଣ ଆହତ ହୋଇଛନ୍ତି ।

ନୟାଗଡ଼ରୁ ଇଣ୍ଡିଆନ ନାମକ ଯାତ୍ରୀବାହୀ ବସଟି ଭରସାମ୍ୟ ହରାଇ ବ୍ରିଜକୁ ଧକ୍କା ଦେଇ ପାଣି ଭିତରକୁ ଖସି ପଡିଥିଲା। ବସରେ ଚାଳିଶିରୁ ଅଧିକ ଜଣ ଯାତ୍ରୀ ଥିଲେ ବୋଲି ଜଣାପଡିଛି। ନୟାଗଡ଼ ଗୁଣ୍ଠୁଣିରୁ କାଳିଜାଇ ଅଭିମୁଖେ ଯାତ୍ରା କରୁଥିଲେ। ଘଟଣାସ୍ଥଳରେ ଚାନ୍ଦପୁର ଓ ରଣପୁର ପୋଲିସ ପହଞ୍ଚିଛନ୍ତି। ରଣପୁର ଓ ଟାଙ୍ଗୀ ଦମକଳ ବାହିନୀର ମିଳିତ ଉଦ୍ୟମରେ ଯାତ୍ରୀଙ୍କୁ ଉଦ୍ଧାର କରାଯାଇଥିଲା।