ଓଲଟିଲା ଯାତ୍ରୀବାହୀ ବସ୍, ୧୦ରୁ ଅଧିକ ଆହତ
ଯୋଡ଼ା: ଯାତ୍ରୀବାହୀ ବସ୍ ଓଲଟି ୧୦ରୁ ଅଧିକ ଆହତ। ଗତକାଲି ବିଳମ୍ବିତ ରାତିରେ ଚମ୍ପୁଆ ଥାନା ପର୍ଶଳା ନିକଟରେ ଭାରସାମ୍ୟ ହରାଇ ଯାତ୍ରୀବାହୀ ବସ୍ ଓଲଟି ଯାଇଥିଲା । ଦୁର୍ଘଟଣା ପରେ ବସ୍ କର୍ମଚାରୀ ଫେରାର ହୋଇଯାଇଥିଲେ ।
ସ୍ଥାନୀୟ ଲୋକଙ୍କ ସହୟତାରେ ଯାତ୍ରୀଙ୍କୁ ଉଦ୍ଧାର କରାଯାଇଥିଲା । ରିମୁଳି ଥାନା ଅଧିକାରୀ ଓ ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ୧୦ରୁ ଅଧିକ ଆହତଙ୍କୁ ଉଦ୍ଧାର କରି ଚମ୍ପୁଆ ଡାକ୍ତରଖାନାରେ ଭର୍ତ୍ତି କରିଥିଲେ । ବସ୍ଟି କୋଇଡାରୁ ଭୁବନେଶ୍ୱର ଯାଉଥିଲା।
