ଆନ୍ଧ୍ରର ସୋମପେଟାରେ ବସ ଦୁର୍ଘଟଣା। ଆଜି ଭୋରରେ ଯାତ୍ରୀବାହୀ ବସ ସହିତ ଟିପର ମୁହାଁମୁହିଁ ହୋଇଛି। ମୁହାଁମୁହିଁ ହେବା ଫଳରେ ପବସଟି ପୁରା ନଷ୍ଟ ହୋଇଯାଇଛି। ଏହାଫଳରେ ହେଲପରଙ୍କ ସମେତ ୨ଜଣ ମୃତ୍ୟୁ ହୋଇଛି। ମୃତ ବସ୍ ହେଲପରଙ୍କ ନାଁ ସୁଧୀର। ଅନ୍ୟଜଣଙ୍କ ପରିଚୟ ଅସ୍ପଷ୍ଟ ରହିଛି। ବସ୍ ଏବେ ପର୍ଯ୍ୟନ୍ତ ଜଣେ ମହିଳା ଯାତ୍ରୀ ଚାପି ହୋଇ ରହିଥିବା ସୂଚନା ମିଳିଛି। ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଦୁର୍ଘଟଣାଗ୍ରସ୍ତ ତ୍ରିପାଠୀ ବସ ଭୁବନେଶ୍ୱରରୁ ନବରଙ୍ଗରପୁର ଯାଉଥିଲା। ତେବେ ଭୋରରେ ଆନ୍ଧ୍ରର ସୋମପେଟା ଠାରେ ଦୁର୍ଘଟଣାଗ୍ରସ୍ତ ହୋଇଥିଲା।
