ଘନ କୁହୁଡ଼ି କାରଣରୁ ଦୁର୍ଘଟଣାଗ୍ରସ୍ତ ହେଲା ଯାତ୍ରୀବାହୀ ବସ୍

ଭୁବନେଶ୍ୱର: ଦିଗପହଣ୍ଡି: କୁହୁଡ଼ି ହେଲା କାଳ । ଘନକୁହୁଡି କାରଣରୁ ଦୁର୍ଘଟଣାଗ୍ରସ୍ତ ହୋଇଛି ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ । କୁହୁଡ଼ି କାରଣରୁ ବ୍ରିଜ୍ ସାଇଡ ୱାଲକୁ ବସଟି ପିଟି ହୋଇଛି । ଅଳ୍ପକେ ବର୍ତ୍ତୀଯାଇଛନ୍ତି ବସରେ ଥିବା ୪୦ଜଣ ଯାତ୍ରୀ ।  ଗଜପତି ଜିଲ୍ଲା ମୋହନାରୁ ଆସୁଥିବା ବେଳେ ବସଟି ଦୁର୍ଘଟଣାଗ୍ରସ୍ତ ହୋଇଥିଲା । ଘନ କୁହୁଡ଼ିକାରଣରୁ ବସି ଚାଳକକୁ କିଛି ଦେଖାଯାଇ ନଥିଲା ତେଣୁ  ଏଭଳି ଦୁର୍ଘଟଣା ଘଟିଛି ବୋଲି କୁହାଯାଉଛି ।

ସୂଚନା ଅନୁସାରେ ଆଜି ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡିର ଆସ୍ତରଣ ଦେଖିବାକୁ ମିଳିଛି । ଦିଗପହଣ୍ଡିରେ କୁହୁଡି ଯୋଗୁ ବ୍ରିଜ୍ ସାଇଡ ୱାଲକୁ ପିଟିଲା ବସ୍  । ପାଟପୁର ଥାନା ତପ୍ତପାଣି ନିକଟ ଖେମୁଣ୍ଡିଖୋଲରେ ବସ ଦୁର୍ଘଟଣାଗ୍ରସ୍ତ ହୋଇଛି । ବସଟି ଦ୍ରୁତ ଗତିରେ ଯାଉଥିବାରୁ ଦୁର୍ଘଟଣା ଘଟିଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଂଚି ତଦନ୍ତ କରୁଛି । ତେବେ କୌଣସି ଯାତ୍ରୀ ମୃତ ଆହତ ହୋଇନଥିବା ଜଣାପଡ଼ିଛି ।