ବସ ଦୁର୍ଘଟଣାରେ ୧୪ ଜଣଙ୍କ ମୃତ୍ୟୁ, ୨୦ରୁ ଅଧିକ ଆହତ

ନନ୍ଦିଘୋଷ ବ୍ୟୁରୋ: ପୁଣି ପ୍ରଥମାଷ୍ଟମୀରେ ଆସିଲା ଦୁଃଖଦ ଖବର। ଭାରସାମ୍ୟ ହରାଇ ଗଛରେ ଧକ୍କା ହେଲା ବସ । ଘଟଣାରେ ୧୪ଜଣଙ୍କ ମୃତ୍ୟୁ ହୋଇଥିବାବେଳେ ୨୦ରୁ ଅଧିକ ଗୁରୁତର ଆହତ ହୋଇଛନ୍ତି । ଦୁର୍ଘଟଣାଟି ଥାଇଲାଣ୍ଡର ପଶ୍ଚିମ ପ୍ରାନ୍ତର ପ୍ରଚୁଆପ ଖିରି ଖାନରେ ସୋମବାର ମଧ୍ୟରାତ୍ରିରେ ଘଟିଛି । ବସଟି ଭାରସାମ୍ୟ ହରାଇ ଗଛରେ ପିଟି ହେବା ଫଳରେ ଘଟଣା ସ୍ଥଳରେ ୧୪ ଜଣଙ୍କ ମୃତ୍ୟୁ ହେବା ସାଙ୍ଗକୁ ୨୦ରୁ ଅଧିକ ଗୁରୁତର ଆହତ ହୋଇଛନ୍ତି । ଖବର ପାଇ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ଉଦ୍ଧାର କରିବା ସହିତ ଗୁରୁତର ଆହତଙ୍କୁ ମେଡିକାଲରେ ଭର୍ତ୍ତି କରିଛନ୍ତି । ସେପଟେ ଘଟଣା ତଦନ୍ତ କରୁଛି ସ୍ଥାନୀୟ ପୋଲିସ। ଏକାସଙ୍ଗେ ୧୪ ଜଣଙ୍କ ମୃତ୍ୟୁ ବେଶ ଦୁଃଖ ଆଣି ଦେଇଛି । ଦୁର୍ଘଟଣାସ୍ଥଳ ଯେ କେହି ବି ଦେଖିବ ଛାତି ଥରି ଉଠିବ।