ଟୁରିଷ୍ଟ ବସ୍ ଦୁର୍ଘଟଣାଗ୍ରସ୍ତ ୨୪ ଆହତ: ନୟାଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି
ନୟାଗଡ଼: ନୂଆଗାଁ ଥାନା ଡ଼ିମିରିଝରି ସ୍କୁଲ ନିକଟରେ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ । ନୃସିଂହନାଥଙ୍କ ଦର୍ଶନ ପାଇଁ ଯାଉଥିବାବେଳେ ବସ୍ଟି ହମ୍ପସ୍ରେ ଖୁବ୍ଜୋରରେ ପିଟିହେବା ପରେ ଭାରସାମ୍ୟ ହରାଇ ଓଲଟି ପଡ଼ିଲା ବସ୍ । ସ୍ଥାନୀୟ ଲୋକଙ୍କ ସହାୟତାରେ ଦମକଳ ବାହିନୀ ଓ ପୋଲିସ କର୍ମଚାରୀ ମିଶି ଆହତ ଯାତ୍ରୀମାନଙ୍କୁ ଉଦ୍ଧାର କରି ନୟାଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଘଟଣାସ୍ଥଳରୁ ଡ୍ରାଇଭର ଫେରାର ଥିବା ବେଳେ ନୂଆଗାଁ ପୋଲିସ ତାହାର ତଦନ୍ତ ଚଳାଇଛି ।
ସୂଚନା ଯୋଗ୍ୟ ଯେ, ଗତ ୫ ତାରିଖରେ ଛତିଶିଗଡର ନମଗଡ଼ ଥାନା ଅଞ୍ଚଳର ୪୫ ଜଣ ଯାତ୍ରୀ ବୁଲିବା ପାଇଁ ଓଡ଼ିଶା ଆସିଥଇଲେ । ଗତକଲି ପୁରୀରେ ଜଗନ୍ନାଥଙ୍କୁ ଦର୍ଶନ କରି ନୃସିଂହନାଥ ଦର୍ଶନ ପାଇଁ ଯାଉଥିଲେ । ରାତି ୧୧ଟା ସମୟରେ ଡ୍ରାଇଭରର ଅସାବଧାନତା ଯୋଗୁଁ ଡିମିରିଝରି ସ୍କୁଲ ନିକଟରେ ହମ୍ପସ ରେ ମାଡ କରିଥିଲେ । ସେଠାରେ ବସଟି ଓଲଟି ପଡିଥିଲା ।
