ବୁର୍ଲା ଭୀମସାରରେ ୨୨ ଛାତ୍ରୀ କରୋନା ପଜିଟିଭ୍
ସମ୍ବଲପୁର: ପୁଣି କ୍ୟାମ୍ପସରେ କରୋନା ଆତଙ୍କ । ବୁର୍ଲା ଭୀମସାରର ୨୨ ଛାତ୍ରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କୋଭିଡ୍ ସଂକ୍ରମିତ ହୋଇଥିବା ସମସ୍ତେ ଏମବିବିଏସ ପ୍ରଥମ ବର୍ଷର ଛାତ୍ରୀ ବୋଲି ଜଣାପଡ଼ିଛି । କରୋନା ପଜିଟିଭ୍ ଚିହ୍ନଟ ହେବା ପରେ ସମସ୍ତଙ୍କୁ ବିଳମ୍ବିତ ରାତ୍ରିରେ ୨ ନମ୍ବର କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଛି । ଗୋଟିଏ ଥରରେ ୨୨ ଜଣା ଛାତ୍ରୀ କୋଭିଡ୍ ସଂକ୍ରମିତ ହେବା ପରେ ଆଜି ଛାତ୍ରଙ୍କ କରୋନା ଟେଷ୍ଟ କରାଯିବ ।
ନଭେମ୍ୱର ୨୨ ତାରିଖ ସୁଦ୍ଧା ସମ୍ବଲପୁର ଜିଲ୍ଲାରେ ମୋଟ ୩୧ ହଜାର ୮୬୩ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୩୧ ହଜାର ୫୭୧ ଜଣ ସୁସ୍ଥ ହୋଇ ସାରିଥିବା ବେଳେ ଏବେ ଜିଲ୍ଲାରେ ୫୨ଟି ସକ୍ରିୟ ସଂକ୍ରମଣ ମାମଲା ରହିଛି । ଅନ୍ୟପଟେ କୋଭିଡରେ ସଂକ୍ରମିତ ହୋଇ ଜିଲ୍ଲାରେ ୨୪୦ ଜଣ ପ୍ରାଣ ହରାଇଛନ୍ତି ।
ଏଥିସହ ପଢ଼ନ୍ତୁ: ଅପରାହ୍ଣରେ ରାଜ୍ୟ ମନ୍ତ୍ରୀ ପରିଷଦ ଓ କ୍ୟାବିନେଟ୍ ବୈଠକ
