ଭୂତ ଦେଖି ରିଭର୍ସ ଗିୟର ପକାଇଲା ଡ୍ରାଇଭର !

ଶିୟୋପୁର: ମଧ୍ୟପ୍ରଦେଶ ଶିୟୋପୁରରେ ଦେଖିବାକୁ ମିଳିଛି ଏକ ଅଜବ ଘଟଣା । ଜବରଦଖଲ ଉଚ୍ଛେଦ ପାଇଁ ଯାଇଥିବା ବୁଲଡୋଜର ଡ୍ରାଇଭର ଆଗରେ ଭୂତ ଦେଖି ଗାଡିର ପକାଇଲେ ରିଭର୍ସ ଗିୟର । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଘଟଣା ବୀରପୁର ତହସିଲ ବଣ୍ଡାଗାଁର ।

ସୂଚନା ଅନୁସାରେ, ଗାଁର କିଛି ଲୋକ ସରକାରୀ ଜମିକୁ ଜବରଦଖଲ କରି ରଖିଛନ୍ତି । ଏନେଇ ଅଭିଯୋଗ ହେବା ପରେ ସ୍ଥାନୀୟ ତହସିଲଦାର ସିଦ୍ଧାର୍ଥ ଗୌତମ ଟିମ୍ ସହ ଘଟଣା ସ୍ଥଳରେ ପହଞ୍ଚି ଥିଲେ । ସାଙ୍ଗରେ ବୁଲଡୋଜର ମଧ୍ୟ ଯାଇଥିଲା । ଜବରଦଖଲ ଉଚ୍ଛେଦ ନେଇ ଗାଁ ଲୋକେ ପୂର୍ବରୁ ଖବର ପାଇ ଯାଇଥିଲେ । ଉଚ୍ଛେଦକାରୀ ଦଳ ପହଞ୍ଚିବା ପୂର୍ବରୁ ଗାଁର ମହିଳାମାନେ ହାତରେ ପଥର ଧରି ଘରୁ ବାହାରକୁ ଚାଲି ଆସିଥିଲେ । ମହିଳାମାନେ ଉଚ୍ଛେଦକାରୀଙ୍କୁ ବିରୋଧ କରିବା ଆରମ୍ଭ କରିବା ସହ ପଥର ଫିଙ୍ଗିବା ଆରମ୍ଭ କରି ଦେଇଥିଲେ । ଏପରିକି ନିଜ ମୁଣ୍ଡକୁ ପଥରରେ ଛେଚି ଦେବାକୁ ଧମକ ଦେଇଥିଲେ । ଫଳରେ ଉଚ୍ଛେଦକାରୀ ଦଳଙ୍କୁ ଘଟଣା ସ୍ଥଳରୁ ଫେରିବାକୁ ପଡ଼ିଥିଲା ।