ରଙ୍ଗ ବୁଣିଦେଇ ଗଲା ‘ବୁଲ୍ବୁଲ୍’
1 min read
କେତେ ଆଶଙ୍କା, ଛନକା ଆଉ କେତେ ଭୟ ନେଇ ଆସିଲା ବାତ୍ୟା ‘ବୁଲ୍ବୁଲ୍’ । କେଉଁଠି ଭାଙ୍ଗିଲା ତ ଆଉ କେଉଁଠି ରଙ୍ଗିଲା । ଭୁବନେଶ୍ୱର ଓ ପୁରୀ ଆକାଶକୁ ଗୋଲାପି ରଙ୍ଗରେ ଭରି ଦେଇଗଲା ‘ବୁଲ୍ବୁଲ୍’ । ଯାହା ଥିଲା ଅତି ମନୋରମ । ଆଉ ଏହି ବିରଳ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ବାତ୍ୟା ବୁଲ୍ବୁଲ୍ ଓଡ଼ିଶାରେ ସେତେଟା ତାଣ୍ଡବ ରଚିନଥିଲେ ସୁଦ୍ଧା ଉତ୍ତର ତଥା ଉପକୂଳବର୍ତ୍ତୀ ଜିଲ୍ଲାକୁ ପ୍ରଭାବିତ କରିଛି । ବିଶେଷକରି ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲା କ୍ଷତିଗ୍ରସ୍ତ ହୋଇଛି । ବର୍ଷା ସାଙ୍ଗକୁ ପ୍ରାୟ ୯୦ କିମି ବେଗରେ ପବନ ଚାଷକୁ ପ୍ରଭାବିତ କରିଛି । ଗଛ ପଡ଼ି ରାସ୍ତା ଅବରୋଧ ହୋଇଛି ।
ବିଦ୍ୟୁତ ସରବରାହରେ ବାଧା ଉପୁଜିଛି । ସରକାର ତଥା ପ୍ରଶାସନ ବୁଲବୁଲ୍କୁ ମୁ୍କାବିଲା କରିବାରେ ସମର୍ଥ ହୋଇଛନ୍ତି । ମାତ୍ର ବାଂଲା ମୁ୍ହାଁ ହେବା ବାଟରେ ଅନେକ ସ୍ଥାନରେ ଭାଙ୍ଗିଛି, ବିଗାଡିଛି ଆଉ ଉଜାଡିଛି ‘ବୁଲବୁଲ୍’ । ')}
