ଭୁବନେଶ୍ୱର: ରାଜଧାନୀରେ ପୁଣି ଜଣେ ବିଟେକ ପାସ ଆଉଟ ଛାତ୍ରୀଙ୍କ ଆତ୍ମହତ୍ୟା । ମୃତ ଛାତ୍ରୀ ହେଲେ ଆର ଏନ ନିୟତି ନାୟକ । ଗତାକାଲି ଚନ୍ଦ୍ରଶେଖରପୁର ଥାନା ରେଲୱେ କଲୋନୀରେ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରିଥିଲା ପୋଲିସ । ଫ୍ୟାନରେ ଓଢଣି ଲଗାଇ ଆତ୍ମହତ୍ୟା କରିଛନ୍ତି ଛାତ୍ରୀ ଜଣଙ୍କ । ଆଜି କ୍ୟାପିଟାଲ ହସ୍ପଟାଲରେ ଶବ ବ୍ୟବଚ୍ଛେଦ ହେବାର ଥିବା ବେଳେ, ବାପା ମାଆଙ୍କ ବୟାନ ରେକର୍ଡ କରିବ ଚନ୍ଦ୍ରଶେଖରପୁର ଥାନା ପୋଲିସ।
ମୃତ ଛାତ୍ରୀଙ୍କ ବାପା ରେଲବାଇର ସିଗନାଲ ସେକ୍ସନ ଇଞ୍ଜିନିୟର ଭାବେ କାର୍ଯ୍ୟ କରୁଥିବା ବେଳେ ମା ଜଣେ ଡାକ୍ତର। ସାନ ଭଉଣୀ ଅସୁସ୍ଥ ଥିବା ବେଳେ ଘରେ କେହି ନଥିବା ବେଳେ ଛାତ୍ରୀ ଜଣଙ୍କ ଆତ୍ମହତ୍ୟା କରିଛନ୍ତି। କାହିଁକି ଆତ୍ମହତ୍ୟା କଲେ ? ପାରିବାରିକ କାରଣ ନା ବ୍ୟକ୍ତିଗତ କାରଣ ପାଇଁ ଆତ୍ମହତ୍ୟା କରିଛନ୍ତି ତଦନ୍ତ କରୁଛି ପୋଲିସ ।
