ସାଧାରଣ ନିର୍ବାଚନ ପୂର୍ବରୁ ମାୟାବତୀଙ୍କ ବଡ଼ ଘୋଷଣା, ଏକା ଲଢ଼ିବ ବିଏସପି

ନନ୍ଦିଘୋଷ ବ୍ୟୁରୋ: ନିର୍ବାଚନ ପୂର୍ବରୁ ବଡ଼ ଘୋଷଣା କଲା ବିଏସପି । ୨୦୨୪ ସାଧାରଣ ନିର୍ବାଚନରେ ଏକା ଲଢ଼ିବ ମାୟାବତୀଙ୍କ ବିଏସପି । ବିଏସପି କୌଣସି ମେଣ୍ଟରେ ସାମିଲ ହେବ ନାହିଁ । ଏ ନେଇ ସବୁ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ନିଜେ ମାୟାବତୀ । ନିଜ ଶକ୍ତି ଅନୁସାରେ ଏକା ନିର୍ବାଚନ ଲଢ଼ିବ ଏବଂ ଭଲ ପ୍ରଦର୍ଶନ କରିବ ବୋଲି ମାୟାବତୀ କହିଛନ୍ତି ।

ଏ ନେଇ ସେ କହିଛନ୍ତି, ଉତ୍ତରପ୍ରଦେଶ ବିଏସପି ଏକା ଲଢ଼ିବା ଦ୍ବାରା ବିରୋଧୀଙ୍କ ମନରେ ଛନକା ପସିଛି । କିନ୍ତୁ ସମାଜର ହିତ ପାଇଁ ପାର୍ଟି ଏକା ନିର୍ବାଚନ ଲଢ଼ିବ ଏବଂ ଏହି ନିଷ୍ପତ୍ତିରେ ଆମେ ଅଟଳ ରହିବୁ । ଆଗାମୀ ଲୋକସଭା ନିର୍ବାଚନରେ କୌଣସି ଦଳ ସହ ବିଏସପି ମେଣ୍ଟ କରିବ ନାହିଁ ।

ଏଠାରେ ଆପଣଙ୍କୁ କହି ରଖିବାକ ଚାହୁଁଛୁ ଯେ, ଇଣ୍ଡିଆ ମେଣ୍ଟରେ ମାୟାବତୀ ସାମିଲ ହେବା ନେଇ କିଛି ଦିନ ହେବ ଚର୍ଚ୍ଚା ଜୋର୍ ଧରିଥିଲା । ଏହା ପୂର୍ବରୁ ୨୦୧୯ ନିର୍ବାଚନରେ ସମାଜବାଦୀ ପାର୍ଟି ସହ ମେଣ୍ଟ କରିଥିଲା ବିଏସପି । ମୋଟ ୩୮ ଆସନରେ ବିଏସପି ନିର୍ବଚାନ ଲଢ଼ିଥିବା ବେଳେ ୨୨ ପ୍ରତିଶତ ଭୋଟ ହାସଲ କରିଥିଲା ।