ବିଧାନସଭା ନିର୍ବାଚନ ଲଢ଼ିଥିବା BSP ନେତାଙ୍କୁ କାର ଭିତରେ ଗୁଳିକରି ହତ୍ୟା

ହରିୟାଣାରୁ ଆସିଛି ଏକ ବଡ଼ ଖବର । ଅମ୍ବାଲାର ନାରାୟଣଗଡ଼ରେ କିଛି ଅଜ୍ଞାତ ଦୁର୍ବୃତ୍ତ ଜଣେ ବହୁଜନ ସମାଜ ପାର୍ଟି (ବିଏସପି) ନେତାଙ୍କୁ ଗୁଳି କରି ହତ୍ୟା କରିଛନ୍ତି । ଏହି ଆକ୍ରମଣରେ ବିଏସପି ନେତାଙ୍କ ଦୁଇଜଜଣ ସହଯୋଗୀ ମଧ୍ୟ ଆହତ ହୋଇଛନ୍ତି । ପୋଲିସ ଆକ୍ରମଣକାରୀଙ୍କ ସନ୍ଧାନ ଜାରି ରଖିଛି । ଅଞ୍ଚଳର ସିସିଟିଭି କ୍ୟାମେରାଗୁଡ଼ିକର ଫୁଟେଜକୁ ମଧ୍ୟ ଯାଞ୍ଚ କରାଯାଉଛି । ଏ ଘଟଣା ବାବଦରେ ପୋଲିସ ପକ୍ଷରୁ ସୂଚନା ଜାରି କରାଯାଇଛି । ବିଏସପି ନେତାଜଣଙ୍କ ବିଧାନସଭା ନିର୍ବାଚନ ଲଢ଼ିଥିଲେ । ଏହି ନେତାଙ୍କ ନାମ ହେଉଛି ହରବିଲାସ ସିଂହ ରାଜଜୁମାଜ୍ରା । ହରବିଲାସଙ୍କୁ ଦୁର୍ବୃତ୍ତମାନେ କାର ଭିତରେ ଗୁଳି କରିଥିବା ଜଣାପଡ଼ିଛି । ଏହି କାଣ୍ଡ ଘଟାଇବା ପରେ ଆକ୍ରମଣକାରୀମାନେ PGIMER, ଚଣ୍ଡିଗଡ଼ ଅଭିମୂଖେ ଫେରାର ହୋଇଯାଇଥିଲେ ।