ମହଙ୍ଗା ଯୁଗରେ ଶସ୍ତା ପ୍ଲାନ, ୧୬ ଟଙ୍କାରେ ମିଳୁଛି ୩୦ ଦିନ ବୈଧତା

ନୂଆଦିଲ୍ଲୀ: ଜିଓ ଟେଲିକମ୍ ମାର୍କେଟକୁ ଆସିବା ପରେ ବିଏସଏନଏଲ୍ ଚମକ ହରାଇଥିଲା । ସମୟ ବଦଳିବା ସହ ଘରୋଇ ପ୍ରଥମେ ମାଗଣା ଓ ଶସ୍ତା ସେବା ଦେଉଥିବା ଘରୋଇ ଟେଲିକମ୍ କମ୍ପାନୀ ଏବେ ଦର ବେଶ୍ ବଢ଼ାଇଛନ୍ତି । ମହଙ୍ଗା ଯୁଗରେ ଏବେ ଲୋକଙ୍କୁ ପୁଣି ଆକୃଷ୍ଟ କରୁଛି ସରକାରୀ ଟେଲିକମ୍ କମ୍ପାନୀ ବିଏସଏନଏଲ୍ । ଏୟାରଟେଲ୍, ଜିଓ ଓ ଭୋଡ଼ାଫୋନ୍ ଆଇଡିଆ ଉପରେ ବିଏସଏନ୍ଏଲ୍ ଭାରି ପଡ଼ିବାରେ ଲାଗିଛି ।

ବିଏସଏନ୍ଏଲ୍ ମାତ୍ର ୧୬ ଟଙ୍କାରେ ସବୁଠୁ ଶସ୍ତା ୩୦ ଦିନ ବୈଧତା ବିଶିଷ୍ଟ ପ୍ଲାନ୍ ଦେଉଛି । ତେବେ ଏହି ପ୍ୟାକରେ ଡାଟା ଓ ମେସେଜ୍ ଉପଲବ୍ଧ ନାହିଁ । ତେବେ ଏହି ପ୍ୟାକର ବୈଧତା ଏକ ମାସ । ବିଏସଏନଏଲ୍ ମୁତାବକ ଆପଣ ୧୬ ଟଙ୍କା ରିଚାର୍ଜ କଲେ ଆପଣ ମିନିଟ୍ ପିଛା ୨୦ ପଇସା ଦେଇ କଲ୍ କରିପାରିବେ ।

ଯଦି ଆପଣଙ୍କ ପାଖେ ଅନ୍ୟ ସିମ୍ ସହ ବିଏସଏନଏଲ୍ ନମ୍ବର ରହିଛି । ଆଉ ତାକୁ ଆପଣ ସକ୍ରିୟ ରଖିବାକୁ ଚାହୁଁଛନ୍ତି । ତାହେଲେ ଏହି ପ୍ଲାନ୍ ଆପଣଙ୍କ ପାଇଁ ବେଶ୍ ଉପଯୋଗୀ । ଏହାଛଡ଼ା ବିଏସ୍ଏନ୍ଏଲ୍ ପାଖରେ ଆହୁରି ଭଲ ଅଫର୍ ମଧ୍ୟ ରହିଛି । ମାତ୍ର ୧୪୭ ଟଙ୍କାରେ ୩୦ ଦିନ ବୈଧତା ବିଶିଷ୍ଟ ପ୍ୟାକରେ ବିଏସ୍ଏନ୍ଏଲ୍ ଡାଟା ଓ ଭଏସ୍ କଲିଂ ସୁବିଧା ଦେଉଛି । ଏହି ପ୍ଲାନରେ ଅସୀମିତ ଭଏସ୍ କଲିଂ ସହ ୧୦ ଜିବି ଡାଟା ସହ ବିଏସ୍ଏନ୍ଏଲ୍ ଟ୍ୟୁନ୍ ରହିଛି । ତେବେ ଏଥିରେ ମେସେଜ୍ ସୁବିଧା ନାହିଁ ।