୪ ବର୍ଷର ଯନ୍ତ୍ରଣାରୁ ମୁକ୍ତି ଦେଲା ସ୍ମାର୍ଟ ହେଲଥ୍ କାର୍ଡ
1 min read
ଯାଜପୁର: ସ୍ମାର୍ଟ କାର୍ଡରେ ସଫଳ ଅପରେସନ । ଯନ୍ତ୍ରଣାରୁ ମିଳିଲା ମୁକ୍ତି । ସାହା ହେଲା ବିଏସକେଓ୍ବାଇ କାର୍ଡ । ରୋଗ ମୁକ୍ତ ହେଲେ ହିତାଧିକାରୀ । ଗରିବଙ୍କ ଅଣ୍ଟାର ସମ୍ବଳ ସାଜିଛି ଏବେ ରାଜ୍ୟ ସରକାରଙ୍କ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ କାର୍ଡ । ଚାରି ବର୍ଷ ହେଲା ଯନ୍ତ୍ରଣାରେ ଜର୍ଜରିତ ହେଉଥିବା ହିତାଧିକାରୀ ବିଏସକେଓ୍ବାଇ କାର୍ଡ ମାଧ୍ୟମରେ ହୋଇଛନ୍ତି ଆରୋଗ୍ୟ । ସ୍ମାର୍ଟ କାର୍ଡରେ ଯାଜପୁର ପୌରାଞ୍ଚଳର ଗରିବ ସମନ୍ତ କୁମାରଙ୍କ ହୋଇଛି ସଫଳ ଅସ୍ତ୍ରୋପ୍ରଚାର ହୋଇଛି ।
୪ ବର୍ଷ ତଳେ ଦୁର୍ଘଟଣାରେ ସୁମନ୍ତଙ୍କ ଗୋଡ଼ରେ ଗଭୀର ଆଘାତ ଲାଗିଥିଲା । ଡାକ୍ତର ଅପରେସନ ପାଇଁ କହିଲେ, ହେଲେ ଅର୍ଥ ଅଭାବରୁ ଅଧିକ ଚିକିତ୍ସା ହେଇପାରୁନଥିଲା । BSKY କାର୍ଡ ମିଳିବା ପରେ ମାଗଣାରେ ଅପରେସନ କରାଇ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ସୁମନ୍ତ । ଆଉ ରାଜ୍ୟ ସରକାରଙ୍କ ଏହି ଜନକଲ୍ୟାଣକାରୀ ଯୋଜନାକୁ ନେଇ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି କୃତଜ୍ଞତା ।
ଗରିବଙ୍କୁ ସାହା ହେଉଛି ବିଜୁ ସ୍ବାସ୍ଥ୍ୟ କଲ୍ୟାଣ ସ୍ମାର୍ଟ କାର୍ଡ । ରାଜ୍ୟ ତଥା ରାଜ୍ୟ ବାହାରେ ୨୦୦ରୁ ଅଧିକ ହସ୍ପିଟାଲରେ ମିଳୁଛି ସୁବିଧା । ମହିଳାଙ୍କୁ ୧୦ ଲକ୍ଷ ଟଙ୍କା ଚିକିତ୍ସା ସୁବିଧା ମିଳୁଥିବା ବେଳେ ପୁରୁଷଙ୍କୁ ୫ଲକ୍ଷ ଟଙ୍କା ପର୍ଯ୍ୟନ୍ତ ସୁବିଧା ମିଳୁଛି ।
