ଚୁନିଙ୍କ ଜୀବନ ବଞ୍ଚାଇଲା ବିଏସକେଓ୍ବାଇ ସ୍ମାର୍ଟ କାର୍ଡ

ଯାଜପୁର: ସଫଳ ହେଉଛି ରାଜ୍ୟ ସରକାରଙ୍କ ପରିକଳ୍ପନା । ବିଜୁ ସ୍ବାସ୍ଥ୍ୟକଲ୍ୟାଣ ଯୋଜନା ସ୍ମାର୍ଟକାର୍ଡରେ ଉପକୃତ ହେଉଛନ୍ତି ଗରିବ ହିତାଧିକାରୀ । ଯାଜପୁର ଜିଲ୍ଲା ଧର୍ମଶାଳା ବ୍ଲକ ମର୍ଜିତାପୁରରେ ମହିଳାଙ୍କୁ ବିଏସକେଓ୍ବାଇ କାର୍ଡ ଦେଲା ନୂଆ ଜୀବନ । ଜୀବନ ସହ ସଂଘର୍ଷ କରୁଥିବା ଚୁନି ବେହେରା ସୁସ୍ଥ ହୋଇ ଫେରିଲେ ଘରକୁ ।

ଗରିବଙ୍କ ପାଇଁ ବରଦାନ ପାଲଟିଛି ବିଏସକେଓ୍ବାଇ ସ୍ମାର୍ଟ କାର୍ଡ । ନୂଆ ଜୀବନ ଦେଉଛି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା । ସୁସ୍ଥ ହେଉଛନ୍ତି ଗୁରୁତର ରୋଗୀ । ଜୀବନ ଯନ୍ତ୍ରଣାରେମୃତ୍ୟୁ ସହ ସଂଗ୍ରାମ କରୁଥିବା ଯାଜପୁର ଜିଲ୍ଲାର ଚୁନିଙ୍କ ଜୀବନ ଦେଇଛି ବିଏସକେଓ୍ବାଇ ସ୍ମାର୍ଟ କାର୍ଡ । ଆଠ ମାସ ହେଲା ମାରାତ୍ମକ କର୍କଟରେ ଆକ୍ରାନ୍ତ ହୋଇ ଯନ୍ତ୍ରଣାରେ ଜୁଝି ହେଉଥିବା ଚୁନି ପାଇଛନ୍ତି ନୂଆ ଜୀବନ । ବିଏସକେଓ୍ବାଇ ସ୍ମାର୍ଟ କାର୍ଡରେ ଏକ ଘରୋଇ ହସ୍ପିଟାଲରେ ଚିକିତ୍ସା ପରେ ହୋଇଛନ୍ତି ସମ୍ପୂର୍ଣ୍ଣ ସୁସ୍ଥ ।

ପାଖରେ ସମ୍ବଳ ନଥିବାରୁ ଜୀବନ ସହ ସଂଗ୍ରାମ କରୁଥିଲେ ଚୁନି । ବିଏସକେଓ୍ବାଇ କାର୍ଡ ମିଳିବା ପରେ ସମ୍ପୂର୍ଣ୍ଣ ମାଗଣାରେ ଚିକିତ୍ସିତ ହୋଇଛନ୍ତି । ସେପଟେ କିଛି ସ୍ବେଚ୍ଛାସେବୀ ସଂଗଠନ ମଧ୍ୟ ମହିଳାଙ୍କୁ ସହଯୋଗର ହାତ ବଢାଇଛନ୍ତି । ସ୍ବାସ୍ଥ୍ୟସେବା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଅଣିଛି ବିଏସକେଓ୍ବାଇ କାର୍ଡ । ମହିଳାଙ୍କୁ ୧୦ ଲକ୍ଷ ଟଙ୍କା ଓ ପୁରୁଷଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ବାସ୍ଥ୍ୟସେବା ମିଳୁଛି ।