ଚିକିତ୍ସା ସେବାରେ BSKY କାର୍ଡର ନୂଆ ଇତିହାସ, ହିତାଧିକାରୀ ସଂଖ୍ୟାରେ ୪୧୩ ପ୍ରତିଶତ ବୃଦ୍ଧି

ଭୁବନେଶ୍ୱର: ବିଜୁ ସ୍ବାସ୍ଥ୍ୟ କାର୍ଡ ଚିକିତ୍ସା ସେବାରେ ସୃଷ୍ଟି କରିଛି ନୂଆ ଇତିହାସ । BSKY ଉପରେ ବଢ଼ିଛି ଲୋକଙ୍କ ଆସ୍ଥା । ଏନେଇ ବିଏସକେଓ୍ବାଇ ହିତାଧିକାରୀ ସଂଖ୍ୟାରେ ୪୧୩ପ୍ରତିଶତ ବୃଦ୍ଧି ହୋଇଛି । ଆଗକୁ ଏହା ଅଧିକ ବଢ଼ିବା ନେଇ ଆଶା ରହିଛି । ଏକ ଆନ୍ତରିକ ସମୀକ୍ଷା ବେଳେ ଏହି ତଥ୍ୟ ମିଳିଥିବା କହିଛନ୍ତି ଡକ୍ଟର ବୃନ୍ଦା ଡି । ୨୦୨୧ରେ ୧.୨୬ ଲକ୍ଷ ରୋଗୀ ବିଭିନ୍ନ ଘରୋଇ ହସ୍ପିଟାଲରେ BSKY କାର୍ଡ ଜରିଆରେ ଚିକିତ୍ସା ସୁବିଧା ପାଇଥିଲେ ।

୨୦୨୨ରେ ମଧ୍ୟ ୬.୪୫ଲକ୍ଷ ରୋଗୀ ପାଇଛନ୍ତି ଚିକିତ୍ସା ସୁବିଧା । ଯାହାକି ପୂର୍ବ ବର୍ଷଠାରୁ ରେକର୍ଡ ୪୧୩ ପ୍ରତିଶତ ଅଧିକ ରହିଛି । ୨୦୨୧ରେ ଚିକିତ୍ସା ବାବଦକୁ ୨୨୪.୮୭କୋଟି ଟଙ୍କା ଦେଇଛନ୍ତି ରାଜ୍ୟ ସରକାର । ୨୦୨୨ରେ ସରକାର ୧୪୫୬.୪୨କୋଟି ଟଙ୍କା ଦେଇଛନ୍ତି । ରୋଗୀଙ୍କ ଆବଶ୍ୟକତା ଅନୁଯାଇ ଚିକିତ୍ସା ଯୋଗାଇବା ମେଡିକାଲ ସଂଖ୍ୟା ୧୮୭ରୁ ୫୫୪କୁ ବୃଦ୍ଧି କରାଯାଇଥିବା ସୂଚନା ଦେଇଛନ୍ତି ଷ୍ଟେଟ ହେଲ୍ଥ ଆସୁରାନ୍ସ ସୋସାଇଟି ଡକ୍ଟର ବୃନ୍ଦା ଡି ।