ପାକିସ୍ତାନ ପଟୁ ଡ୍ରୋନରେ ଆସୁଥିଲା ହେରୋଇନ: ଗୁଳି କରି ଖସାଇଲା ବିଏସ୍ଏଫ୍
ଅମୃତସର: ପାକିସ୍ତାନ ପଟୁ ଆସୁଥିବା ଏକ ଡ୍ରୋନକୁ ଗୁଳି କରି ଖସାଇଦେଇଛି ଭାରତୀୟ ସୀମା ସୁରକ୍ଷା ବଳ (ବିଏସ୍ଏଫ୍) । ସୋମବାର ପଞ୍ଜାବର ଅମୃତସରରେ ଏହି ଡ୍ରୋନ୍କୁ ବିଏସ୍ଏଫ୍ ପକ୍ଷରୁ ଗୁଳି କରି ଖସାଇ ଦିଆଯାଇଛି ।
ବିଏସ୍ଏଫ୍ ସୂଚନା ମୁତାବକ ପାକିସ୍ତାନୀ ଡ୍ରୋନରୁ ୧୦.୬୭ କିଲୋଗ୍ରାମ ଓଜନର ୯ ପ୍ୟାକେଟ୍ ହେରୋଇନ୍ ଉଦ୍ଧାର କରାଯାଇଛି । ବିଏସ୍ଏଫ୍ର ଏହି କାର୍ଯ୍ୟାନୁଷ୍ଠାନ ଫଳରେ ସୀମାପାରରୁ ଦେଶ ମଧ୍ୟକୁ ହେଉଥିବା ଚୋରା ଚାଲାଣ ଉଦ୍ୟମକୁ ପଣ୍ଡ କରିଛି । ବିଏସଏଫ ପଞ୍ଜାବ ସୀମାନ୍ତ ସୈନ୍ୟମାନେ ପାକ୍ ଡ୍ରୋନ୍ ମାଧ୍ୟମରେ ଆଉ ଏକ ଚୋରା ଚାଲାଣ ଉଦ୍ୟମକୁ ମଧ୍ୟ ପଣ୍ଡ କରିଦେଇଛନ୍ତି ।
ସଜାଗ ବିଏସଏଫ ସୈନ୍ୟମାନେ ପାକ୍ରୁ ଆସୁଥିବା ଡ୍ରୋନ୍ ଉପରକୁ ଗୁଳି ଚଳାଇ ଏହାକୁ ତଳକୁ ଖସାଇ ଦେଇଛନ୍ତି। ଏକ ବ୍ୟାଗରେ ହେରୋଇନ୍ ବୋଲି ସନ୍ଦେହ କରାଯାଉଥିବା କିଛି ପ୍ୟାକେଟ୍ ମଧ୍ୟ ଡ୍ରୋନ୍ରୁ ଉଦ୍ଧାର କରାଯାଇଛି ବୋଲି ବିଏସ୍ଏଫ୍ ପଞ୍ଜାବ ଫ୍ରଣ୍ଟିଅର୍ ଏକ ଟ୍ୱିଟ୍ ରେ କହିଛି । ଉଲ୍ଲେଖଯୋଗ୍ୟ, ଗତ ମାସରେ ବିଏସଏଫ ପଞ୍ଜାବର ଅମୃତସର ସେକ୍ଟରରେ ପାକିସ୍ତାନରୁ ଆସୁଥିବା ଏକ ଡ୍ରୋନକୁ ଗୁଳି କରି ଖସାଇ ଦେଇଥିଲା।
