‘ସ୍ବଚ୍ଛତା ହିଁ ସେବା’ ଅଭିଯାନ: ଲିଙ୍ଗରାଜ ମନ୍ଦିରରେ ସଫେଇ କଲେ ବିଏସଏଫ୍ ଯବାନ

ଭୁବନେଶ୍ୱର: ସ୍ବଚ୍ଛତା ହିଁ ସେବା। ଏହି ଆହ୍ବାନକୁ ନେଇ ସାରା ଦେଶରେ ସଫେଇ କାର୍ଯ୍ୟକ୍ରମ କରାଯାଉଥିବା ବେଳେ ବିଏସଏଫ ଯବାନମାନେ ଲିଙ୍ଗରାଜ ମନ୍ଦିରରେ ସଫେଇ କରିଛନ୍ତି। ଏକ ଘଣ୍ଟାର ଶ୍ରମ ଦାନ ଆହ୍ବାନକୁ ପାଳନ କରି ଭୁବନେଶ୍ବର ବିଏସଏଫ ହେଡକ୍ବାର୍ଟର ଯବାନମାନେ ଲିଙ୍ଗରାଜ ମନ୍ଦିରରେ ନିଜର ଶ୍ରମ ଦାନ କରିଛନ୍ତି।

ବନ୍ଧୁକ ବଦଳରେ ହାତରେ ଝାଡୁଧରି ଆଇଜି ଧନେଶ୍ବର କୁମାର ଶର୍ମାଙ୍କ ତତ୍ତ୍ବାବଧାନରେ ମନ୍ଦିରର ଭିତର ଓ ବାହାର ବେଢାକୁ ସଫା କରିଥିଲେ ଯବାନ। ଏହାସହ ସ୍ବଚ୍ଛତା ଅଭିଯାନରେ ସମସ୍ତଙ୍କୁ ସାମିଲ ପାଇଁ ଆହ୍ବାନ ଦେଇଛନ୍ତି। ସଫେଇରେ ସାମିଲ ହୋଇ ବେଶ ଖୁସି ବ୍ୟକ୍ତ କରିଛନ୍ତି ସମସ୍ତ ଯବାନ।