BSF ଯବାନଙ୍କ ସାଇକେଲ ଶୋଭାଯାତ୍ରା: ରାଷ୍ଟ୍ରୀୟ ଏକତା ରକ୍ଷା ଓ ପରିବେଶ ସୁରକ୍ଷା ବାର୍ତ୍ତା
1 min read
ଭୁବନେଶ୍ୱର: ଏକ ଭାରତ ଶ୍ରେଷ୍ଠ ଭାରତ କାର୍ଯ୍ୟକ୍ରମ ଅନ୍ତର୍ଗତ ଭୁବନେଶ୍ୱର ସ୍ଥିତ ସୀମା ସୁରକ୍ଷା ବଳ (ବିଏସ୍ଏଫ୍) ପକ୍ଷରୁ ସାଇକେଲ ଶୋଭାଯାତ୍ରା ଓ ପଦଯାତ୍ରା ଆୟୋଜିତ ହୋଇଯାଇଛି। କାର୍ଯ୍ୟକ୍ରମକୁ ବିଏସଏଫ ଆଇଜି ମଧୁସୂଦନ ଶର୍ମା ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ବିଏସଏଫ ଡିଆଇଜି ଅର୍ଜୁନ ସିଂ ରାଠୋରଙ୍କ ସମେତ ବହୁ ସଂଖ୍ୟକ ବିଏସଏଫ କର୍ମଚାରୀ ଏଥିରେ ସାମିଲ ହୋଇଥିଲେ । ସାଇକେଲ ଶୋଭାଯାତ୍ରା ମାଧ୍ୟମରେ ରାଷ୍ଟ୍ରୀୟ ଏକତା ରକ୍ଷା କରିବା ଓ ପରିବେଶ ସୁରକ୍ଷା ପାଇଁ ସମାଜକୁ ବାର୍ତ୍ତା ଦେବାକୁ ପ୍ରୟାସ କରାଯାଇଛି। ଗଜପତିନଗର ସ୍ଥିତ ବିଏସଏଫ ମୁଖ୍ୟାଳୟରୁ ବାହାରିଥିବା ଏହି ସାଇକେଲ ଶୋଭାଯାତ୍ରା ୫ କିଲୋମିଟର ଦୂରତା ଅତିକ୍ରମ କରିଥିଲା । ସେହିପରି ୧ କିଲୋମିଟର ପଦଯାତ୍ରା ରହିଥିଲା ।
