ନୂଆଦିଲ୍ଲୀ: କରୋନା ସଂକ୍ରମଣ ବୃଦ୍ଧି କାରଣରୁ ଘୋଷଣା ହେଲା ଲକ୍ଡାଉନ।୧୪ ଦିନ ସଂପୂର୍ଣ୍ଣ ଲକ୍ଡାଉନ୍ ଘୋଷଣା କରାଯାଇଛି। କ୍ୟାବିନେଟ ବୈଠକ ପରେ କର୍ଣ୍ଣାଟକରେ ମୁଖ୍ୟମନ୍ତ୍ରୀ ବି.ଏସ୍ ୟେଦିୟୁରପ୍ପା ଏଭଳି ବଡ଼ ଘୋଷଣା କରିଛନ୍ତି। ଆସନ୍ତା ୧୪ ଦିନ ପାଇଁ ସୋମବାର ରାତି ୯ ଟାରୁ ରାଜ୍ୟରେ କର୍ଫ୍ୟୁ ଲାଗୁ କରାଯିବ ବୋଲି କର୍ଣ୍ଣାଟକର ମୁଖ୍ୟମନ୍ତ୍ରୀ କହିଛନ୍ତି। ସେ କହିଛନ୍ତି ଯେ ଏହି ସମୟ ମଧ୍ୟରେ ଜରୁରୀ ସେବା ପାଇଁ ସକାଳ ୬ ଟାରୁ ୧୦ ଟା ପର୍ଯ୍ୟନ୍ତ ଅନୁମତି ଦିଆଯାଇଛି। ସକାଳ ୧୦ ଟା ପରେ ଦୋକାନ ବନ୍ଦ ରହିବ। ସାଧାରଣ ପରିବହନ ବନ୍ଦ ରହିବ ବୋଲି ସିଏମ୍ କହିଛନ୍ତି।
ତେବେ କର୍ଣ୍ଣାଟକ ମଦର ହୋମ ଡେଲିଭରି ପାଇଁ ଅନୁମତି ଦେଇଛନ୍ତି। ଏହା ସହିତ ରାଜ୍ୟ ବାହାରେ କିମ୍ବା ରାଜ୍ୟ ଭିତରେ ଯାତ୍ରା ଅନୁମତି ଦିଆଯିବ ନାହିଁ। କେବଳ ଜରୁରୀକାଳୀନ ପରିସ୍ଥିତିରେ ଛାଡ଼ ଦିଆଯିବ। କରୋନା ସଂକ୍ରମଣକୁ ଏଡ଼ାଇବା ପାଇଁ ଏଭଳି କଠୋ ପଦକ୍ଷେପ ନିଆଯାଇଛି।
ମୁଖ୍ୟମନ୍ତ୍ରୀ କହିଛନ୍ତି ଚିକିତ୍ସା ଏବଂ ଅତ୍ୟାବଶ୍ୟକ ସେବା, ଉତ୍ପାଦନ, ନିର୍ମାଣ, କୃଷି ଉଦ୍ୟାନ କୃଷି କ୍ଷେତ୍ରକୁ ଅନୁମତି ଦିଆଯିବ। ମୁଖ୍ୟ ସଚିବ ପି ରବି କୁମାର ଆଜି ସନ୍ଧ୍ୟାରେ ଲକଡାଉନ ନେଇ ଗାଇଡଲାଇନ ଜାରିକରାଯିବ।
