୧୭ ଲକ୍ଷ ଟଙ୍କାର ବ୍ରାଉନସୁଗର ଜବତ, ୨ ଗିରଫ
କଟକ: ଭାରତ ବନ୍ଦରେ ଜମିଥାନ୍ତା ଧଳା ଜହର ବେପାର । ଭୁବନେଶ୍ୱରରୁ କଟକ ବ୍ରାଉନସୁଗର ଚାଲାଣ ବେଳେ ଧରିଛି କେନ୍ଦ୍ରାଞ୍ଚଳ ଗୁଇନ୍ଦା ବିଭାଗ । କଟକ ବାରଙ୍ଗ ଅଞ୍ଚଳରୁ ୧୬୫ ଗ୍ରାମ ଓଜନ ବ୍ରାଉନସୁଗର ଜବତ କରାଯାଇଥିବା ବେଳେ କେନ୍ଦ୍ରାଞ୍ଚଳ ଗୁଇନ୍ଦା ବିଭାଗ ୨ ଜଣଙ୍କୁ ଗିରଫ କରିଛି । ଗିରଫ ଉଭୟଙ୍କ ବାରଙ୍ଗ ଅଞ୍ଚଳରେ ବୋଲି ଜଣାପଡ଼ିଛି । ଜବତ ବ୍ରାଉନସୁଗରର ମୂଲ୍ୟ ୧୭ ଲକ୍ଷ ଟଙ୍କା ହେବ ।
ଭାରତ ବନ୍ଦର ସୁଯୋଗ ନେଇ ଭୁବନେଶ୍ୱରରୁ କଟକ ଯାଉଥିବା ବେଳେ ବ୍ରାଉନସୁଗର ବେପାରୀଙ୍କୁ କାବୁ କରିବାରେ ସଫଳ ହୋଇଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭା । ଅବକାରୀ ବିଭାଗ ଦୀର୍ଘ ଦିନ ହେବ ଦୁହିଁଙ୍କ ଉପେ ନଜର ରଖିଥିଲା । ଦୁହେଁ ବାରମ୍ବାର ଅବକାରୀ ବିଭାଗକୁ ଚକମା ଦେଇ ଖସି ଯାଉଥିଲେ ।
ଆଜି ଗୁଇନ୍ଦା ବିଭାଗ ସୂଚନା ଅନୁସାରେ ବାରଙ୍ଗ କେନାଲ ଠାରେ କେନ୍ଦ୍ରାଞ୍ଚଳ ଅବକାରୀ ବିଭାଗର ୯ ଜଣିଆ ଟିମ୍ ଛକି ରହିଥିଲା । ଦୁହେଁ ବ୍ରାଉନସୁଗର ନେଇ ସେଇ ବାଟ ଦେଇ ଯିବାବେଳେ ଅତର୍କିତ ଚଢ଼ାଉ କରି କାବୁ କରିଥିଲା ଟିମ୍ । ଏମାନେ ମୁଖ୍ୟତଃ କଟକର ବିଭିନ୍ନ କଲେଜ ପିଲାମାନଙ୍କୁ ବ୍ରାଉନସୁଗର ବିକ୍ରି କରୁଥିବା ଅବକାରୀ ବିଭାଗ ସୂତ୍ରରୁ ଜଣାପଡ଼ିଛି ।
