ପୁରୀ: ପୁରୀରୁ ବିପୁଳ ପରିମାଣର ବ୍ରାଉନସୁଗାର ଜବତ କରାଯାଇଛି। ସିଦ୍ଧମହାବୀର ଏନସିସି ବାଟାଲିଆନ ଅଂଚଳରୁ ପାଖାପାଖି ୨୦ ଲକ୍ଷ ଟଙ୍କାର ବ୍ରାଉନସୁଗାର ଜବତ ହୋଇଛି।
ଏହି ଘଟଣାରେ ସମ୍ପୃକ୍ତି ନେଇ ଦୁଇ ଜଣଙ୍କୁ ଅଟକ ରଖିଛି ପୋଲିସ। ଅଟକଥିବା ଅଭିଯୁକ୍ତ ମାନେ ରଘୁନାଥ ଦାସ ଓ ଶିବ ପ୍ରସାଦ ବେହେରା ବୋଲି ଜଣାପଡିଛି ।
ସୂଚନା ଅନୁସାରେ ବ୍ରାଉନସୁଗାର କାରବାର ନେଇ ବିଶ୍ୱସ୍ତ ସୁତ୍ରରୁ ଖବର ପାଇବା ପରେ ସ୍ଥାନୀୟ ଅବକାରୀ ବିଭାଗ ଆଜି ଭୋର ୫ଟା ୩୦ମି. ସମୟରେ ଚଢ଼ାଉ କରିଥିଲା । ବାଲେଶ୍ୱରରୁ ବ୍ରାଉନସୁଗାର ଆସି ପୁରୀରେ ପହଁଚିଥିବା ବେଳେ ଅବକାରୀ ବିଭାଗ ଚଢ଼ାଉ କରି ପ୍ରାୟ ୨୦୦ ଗ୍ରାମର ବ୍ରାଉନ ସୁଗାର ଜବତ କରିଛି ।
ତେବେ ପୂର୍ବରୁ ଅଟକ ଥିବା ଦୁଇ ଅଭିଯୁକ୍ତଙ୍କ ଉପରେ ଅବକାରୀ ବିଭାଗ ନଜର ରଖିଥିଲା ବୋଲି ସୁତ୍ରରୁ ପ୍ରକାଶ।
