ଜମି ପାଇଁ ଭାଇକୁ ଗୁଳି ମାରିଲା ଭାଇ

ଖଲ୍ଲିକୋଟ: ପାରିବାରିକ କଳହ ଓ ଜମି ବିବାଦରୁ ଫୁଟିଲା ଗୁଳି । ଭାଇକୁ ୪ ରାଉଣ୍ଡ ଗୁଳି ମାରିଲା ଭାଇ । ଘଟଣା ଘଟିଛି ଗଞ୍ଜାମ ଜିଲ୍ଲା ଖଲ୍ଲିକୋଟରେ । ଗୁଳି ମାଡ଼ରେ ବୀରେନ ଦଳେଇ ନାମକ ବ୍ୟକ୍ତି ଗୁରୁତର ଆହତ ହୋଇଛନ୍ତି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ, ବୀରେନ ଓ ତାଙ୍କ ଦାଦା ଘର ମଧ୍ୟରେ ପୂର୍ବରୁ ଜମିଜମାକୁ ନେଇ ବିବାଦ ଲାଗି ରହିଥିଲା । ଏନେଇ ମାମଲା ମଧ୍ୟ ଖଲ୍ଲିକୋଟ ଥାନାରେ ହୋଇଥିଲା ।  ଯାହାକୁ ନେଇ ଆଜି ଘଟଣା ଉଗ୍ର ରୂପ ନେଇଥିଲା । ପ୍ରଥମେ ବୀରେନ ଓ ତାଙ୍କ ଦାଦା ପୁଅ ଭାଇ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଦାଦା ପୁଅ ଭାଇ ବୀରେନଙ୍କ ଉପରୁକୁ ୪ ରାଉଣ୍ଡ ଗୁଳି ଚଲାଇଥିଲେ । ପ୍ରଥମେ ଖଲ୍ଲିକୋଟ ମେଡିକାଲକୁ ନିଆଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ଏମକେସିଜି ମେଡିକାର ସ୍ଥାନାନ୍ତର କରାଯାଇଛି ।

ଗୁଳି ମାରିବା ପରେ ବୀରେନଙ୍କ ଭାଇ ଫେରାର ହୋଇଯାଇଛନ୍ତି । ପୋଲିସ ଗାଁରେ ପହଞ୍ଚି ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ଭାଇଙ୍କୁ ଖୋଜୁଛି । ଅଭିଯୁକ୍ତ ଭାଇଙ୍କ ମାଆବାପା ଓ ଅନ୍ୟ ସଦସ୍ୟଙ୍କୁ ପୋଲିସ ଅଟକ ରଖି ପଚରାଉଚରା ଚଲାଇଛି ।