ପାରିବାରିକ କଳହର କରୁଣ ପରିଣତି, ଭିଣୋଇକୁ ହତ୍ୟା କଲା ଶଳା

ନନ୍ଦିଘୋଷ ବ୍ୟୁରୋ: ପାରିବାରିକ କଳିରୁ ଭିଣୋଇକୁ ଶଳା ହତ୍ୟା କରିଥିବାର ଅଭିଯୋଗ। ଶଳା ହାତରେ ଗଲା ଭିଣୋଇର ଜୀବନ। ଏହି ଅଭାବନୀୟ ଘଟଣା ଘଟିଛି ବରଗଡ଼ରେ। ମୃତକ ହେଲେ ଶଙ୍କର ଦାସ। ତାଙ୍କୁ ଶଳା ନିପୁନ ଛୁରୀ ଭୁଶି ହତ୍ୟା କରିଥିବାର ଅଭିଯୋଗ ହୋଇଛି। ଘଟଣା ପରେ ଅଭିଯୁକ୍ତ ନିପୁନ ଫେରାର ହୋଇଯାଇଥିବା ବେଳେ ପୋଲିସ ତାକୁ ଖୋଜୁଛି। ଅଭିଯୋଗ ଅନୁସାରେ ଉଭୟ ମୃତକ ଓ ଅଭିଯୁକ୍ତଙ୍କ ପରିବାର ୧୧ ନମ୍ଵର ୱାର୍ଡର ମଙ୍ଗଳା ଝୁପୁଡ଼ିରେ ରହନ୍ତି। ଶଙ୍କର ଓ ତାଙ୍କ ସ୍ତ୍ରୀଙ୍କ ମଧ୍ଯରେ କୌଣସି କାରଣରୁ ଝଗଡ଼ା ହୋଇଥିଲା। ଏହାକୁ ନେଇ ଶଳା ନିପୁନ ଭିଣୋଇ ଶଙ୍କରକୁ ଆକ୍ରମଣ କରି ଛୁରୀ ଭୁଶିଥିଲା। ଶଙ୍କରଙ୍କୁ ତାଙ୍କ ସ୍ତ୍ରୀ ତୁରନ୍ତ ହସପିଟାଲ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।