ଭଉଣୀ ବିବାହରେ ଭାଇ ଦେଲା ଏମିତି ଉପହାର, କାନ୍ଦିଲେ ପରିବାର

ହାଇଦ୍ରାବାଦ: ଯଦି ଆପଣଙ୍କ ଉପରେ ବାପା ଓ ମାଆଙ୍କ ଆଶୀର୍ବାଦ ଓ ଭଲପାଇବା ରହିଛି ତେବେ ନିଜକୁ ଭାଗ୍ୟବାନ ମଣନ୍ତୁ । କାରଣ ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଜୀବନ୍ତ ନ ଥାଇ ବି ଝିଅ ବିବାହରେ ସାମିଲ ହୋଇଛନ୍ତି ବାପା । ଆପଣ ଭାବୁଥିବେ ଏହା ସମ୍ଭବ କିପରି ?

ଆଜ୍ଞା ହଁ ଏହା ସମ୍ଭବ କରିପାରିଛନ୍ତି କନ୍ୟାର ଭାଇ ଅର୍ଥାତ ହାଇଦ୍ରାବାଦର ଯୁବକ ଫନି କୁମାର । ସ୍ବର୍ଗତ ବାପାଙ୍କ ଅବିକଳ ମହମ ମୂର୍ତ୍ତି ନିର୍ମାଣ କରି ଭଉଣୀର ବିବାହରେ ଗିଫ୍ଟ ଦେଇଛି ଭାଇ  । ଏଭଳି ଉପହାର ଦେଖି ଭାବପ୍ରବଣ ହୋଇପଡିଥିଲା ଝିଅ । ତା’ ଆଖିରୁ ଝରିଯାଇଥିଲା ଧାରଧାର ଲୁହ । ସେଠାରେ ଉପସ୍ଥିତ ଥିବା ପରିବାରର ସମସ୍ତ ସଦସ୍ୟଙ୍କ ଆଖିରେ ଖୁସିର ଲୁହ ଦେଖିବାକୁ ମିଳିଥିଲା । ବିବାହରେ ଯୋଗ ଦେଇଥିବା ଅତିଥି ମଧ୍ୟ ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ  ।

୧୧ କେଜି ମହମରେ ନିର୍ମାଣ ହୋଇଥିବା ଏହି ମୂର୍ତ୍ତି ଖୁବ ଜୀବନ୍ତ । ସୋସିଆଲ ମିଡିଆର ଟ୍ରାଭେଲ ବ୍ଲଗରେ ଏହାକୁ ଅପଲୋଡ କରାଯାଇଥିବା ବେଳେ ଏହା ଏବେ ଭାଇରାଲ ହେଉଛି  ।

ଗତବର୍ଷ କୋରୋନାରେ କନ୍ୟାଙ୍କ ପିତା ଅଭୁଲା ସୁବ୍ରମଣ୍ୟମ କୋରୋନାରେ ପ୍ରାଣ ହରାଇଥିଲେ ।