ଆପଣଙ୍କ ଘରର ଛାତ ଉପରେ ପଡ଼ିପାରେ ଚୀନର ୨୧ ଟନ ଓଜନର ରକେଟ୍
1 min read
ବେଜିଂ: କରୋନା ପରେ ଆଉ ଏକ ବିପଦ ଆଣୁଛି ଚୀନ୍ । ବିଗତ ଦିନରେ ଚୀନ ପୃଥିବୀରେ କରୋନା ମହାମାରୀ ବିସ୍ତାର କରିଥିଲା । ଏହା ପରେ ମଧ୍ୟ ନିଜ ଭୁଲକୁ ଗ୍ରହଣ କରିନଥିଲା ଚୀନ । କିନ୍ତୁ ସାରା ବିଶ୍ୱ ଚୀନର ଏପରି କାର୍ଯ୍ୟ ବିଷୟରେ ଅବଗତ ଥିଲା । କରୋନା ପରେ ବିଶ୍ୱ ପାଇଁ ଆଉ ଏକ ବିପଦ ଆଣିଛି ଚୀନ । ଯାହା ବିଶ୍ୱକୁ ଧ୍ୱଂସ ମୁହଁକୁ ଟାଣି ନେଇପାରେ । ମହାକାଶରେ ଚୀନରେ ଏକ ରକେଟ ଆଉଟ ଅଫ କଣ୍ଟ୍ରୋଲ ହୋଇ ପୃଥିବୀ ଆଡ଼କୁ ଦ୍ରୁତ ଗତିରେ ମାଡ଼ି ଆସୁଛି । ଏହି ୨୧ ଟନ୍ ରକେଟର ଭଗ୍ନାବିଶେଷ କେଉଁଠାରେ ପଡ଼ିବ ଏହାର ସବିଶେଷ ତଥ୍ୟ କାହା ପାଖରେ ନାହିଁ ।
ଜ୍ୟୋତିର୍ବିଜ୍ଞାନୀ ଏହାକୁ ନେଇ ଚେତାବନୀ ଦେଇ କହିଛନ୍ତି କି ଏହି ରକେଟର ୩୦ ମିଟରର ଲମ୍ବା ଏକ ଅଂଶ ପୃଥିବୀର ଯେ କୌଣସି ସ୍ଥାନରେ ପଡ଼ିପାରେ । ଏହା ଏତେ ବଡ଼ ଯେ ଯଦି ଏହା କୌଣସି ସହର ଉପରେ ପଡ଼େ ତେବେ ସେହି ସହର ପୂରାପୁରି ଧ୍ୱଂସ ହୋଇଯିବ । ଏହି ଚାଇନିଜ୍ ରକେଟର ଓଜନ ତିନୋଟି T-Rex ଡାଇନୋସର ସହିତ ସମାନ । ତେବେ ବର୍ତ୍ତମାନ ବିଶେଷଜ୍ଞମାନେ ଏହି ରକେଟର ଦିଗ ଖୋଜିବାକୁ ଚେଷ୍ଟା କରୁଛନ୍ତି । ଯଦି ସମ୍ଭବ ହୁଏ ତେବେ ଏହାର ଦିଗ ପରିବର୍ତ୍ତନ କରିବାକୁ ଚେଷ୍ଟା କରାଯିବ ବୋଲି କହିଛନ୍ତି ବିଶେଷଜ୍ଞ ।
ଚୀନ ଏହି ରକେଟକୁ ରବିବାର ଉତକ୍ଷେପଣ କରିଥିଲା । କକ୍ଷପଥରେ ପହଞ୍ଚିବା ପରେ ଏହା ସ୍ପେସ୍ ଷ୍ଟେସନରୁ ବିଚ୍ଛିନ୍ନ ହୋଇ ମହାକାଶରେ ଖଣ୍ଡ ଖଣ୍ଡ ହୋଇଯାଇଥିଲା । ଜ୍ୟୋତିର୍ବିଜ୍ଞାନୀ ଜୋନାଥନ ମ୍ୟାକଡୋୱେଲ ଚେତାବନୀ ଦେଇଛନ୍ତି ଯେ ଏହି ରକେଟ କେବେ ଓ କେଉଁଠାରେ ପଡ଼ିବ ତାହା ଏପର୍ଯ୍ୟନ୍ତ ଜଣାପଡ଼ି ନାହିଁ । କିନ୍ତୁ ଏହା ଯେଉଁଠାରେ ବି ପଡ଼ିବ ସେ ସ୍ଥାନ ସମ୍ପୂର୍ଣ୍ଣ ଧ୍ୱଂସ ହେବ ବୋଲି ସେ ଚେତାବନୀ ଦେଇଛନ୍ତି ।
