ଚୀନ୍କୁ କଡ଼ା ସମାଲୋଚନା କଲା ବ୍ରିଟେନ୍, କହିଲା ଚୀନ୍ ବିଶ୍ୱାସଯୋଗ୍ୟ ଦେଶ ନୁହେଁ
ନୂଆଦିଲ୍ଲୀ: ହଂକଂ ପ୍ରସଙ୍ଗରେ ବ୍ରିଟେନ ଏବଂ ଚୀନ୍ ମଧ୍ୟରେ ବିବାଦ ବଢ଼ିବାରେ ଲାଗିଛି । ବ୍ରିଟେନର ବୈଦେଶିକ ମନ୍ତ୍ରୀ ଡୋମନିକ୍ ରାବ ମଙ୍ଗଳବାର କହିଛନ୍ତି ଯେ ଚୀନ୍ର ବ୍ୟବହାରକୁ ଦେଖି ତା ଉପରେ ବିଶ୍ୱାସ କରାଯିବା ଉଚିତ ନୁହେଁ । ଖାଲି ଭାରତ ନୁହେଁ ବ୍ରିଟେନ, ଆମେରିକା, ଅଷ୍ଟ୍ରେଲିଆ ମଧ୍ୟ ଚୀନର ଏଭଳି ବ୍ୟବହାର ନେଇ ଚୀନକୁ ଟାର୍ଗେଟ କରିଛନ୍ତି ।
ବ୍ରିଟେନର ବୈଦେଶିକ ମନ୍ତ୍ରୀ କହିଛନ୍ତି ଯେ ହଂକଂରେ ନୂଆ ଜାତୀୟ ସୁରକ୍ଷା ଆଇନ ପ୍ରଣୟନ ହେବା ପରେ ଚୀନ୍କୁ ଆନ୍ତର୍ଜାତୀୟ ଦାୟିତ୍ ଉପରେ ବିଶ୍ୱାସ କରାଯାଇପାରିବ ନାହିଁ । ହଂକଂ ହେଉଛି ବ୍ରିଟେନର ଏକ ଉପନିବେଶ ସ୍ଥାନ । ୧୯୯୭ ରେ ଯେତେବେଳେ ବ୍ରିଟେନ ହଂକଂକୁ ବେଜିଂକୁ ଦେଇଥିଲା, ସେତେବେଳେ ଏହା ଅତି କମରେ ୨୦୪୭ ପର୍ଯ୍ୟ ସହରକୁ ସ୍ୱାଧୀନତା ଦେବାକୁ ନିଶ୍ଚିତ କରିଥିଲା । କିନ୍ତୁ ଚୀନ୍ ନୂଆ ସୁରକ୍ଷା ଆଇନ ଆଣି ବ୍ରିଟେନ ସହିତ ଐତିହାସିକ ଚୁକ୍ତିନାମାକୁ ଉଲ୍ଲଂଘନ କରିଛି । ରାବ କହିଛନ୍ତି, ହଂକଂର ସ୍ୱତନ୍ତ୍ରତା ବଜାୟ ରଖିବାକୁ ଚୀନ୍ ପ୍ରତିଶୃତି ଦେଇଥିଲା ।
ଏହା ପାରସ୍ପରିକ ବିଶ୍ୱାସର ବିଷୟ ଥିଲା କିନ୍ତୁ ଏବେ ଅନେକ ଦେଶ ଚୀନ୍ ତାର ଆନ୍ତର୍ଜାତୀୟ ପ୍ରତିଶ୍ରୁତି ପୂରଣ କରୁଛି କି ନାହିଁ ପ୍ରଶ୍ନ କରିବା ଆରମ୍ଭ କରି ଦେଇଛନ୍ତି । ଯେତେବେଳେ ହଂକଂ ସମ୍ବନ୍ଧରେ ଚୀନ୍ ନିଜର ପ୍ରତିଶ୍ରୁତି ପାଳନ କରି ନାହିଁ, ସେତେବଳେ ଏକ ବଡ ଆନ୍ତର୍ଜାତୀୟ ଦାୟିତ୍ୱ କଥା ଆସେ ସେତେବେଳେ ଏହାକୁ କିପରି ବିଶ୍ୱାସ କରାଯାଇପାରିବ ?
ବ୍ରିଟେନରେ ଚୀନ୍ ରାଷ୍ଟ୍ରଦୂତଙ୍କ ବିବୃତ୍ତି ପରେ ରାବଙ୍କ ଏହି ତୀକ୍ଷ୍ଣ ମନ୍ତବ୍ୟ ଆସିଛି । ଚୀନ୍ ରାଷ୍ଟ୍ରଦୂତ ଲିଓ ସିଓମିଙ୍ଗ ହଂକଂ ପ୍ରସଙ୍ଗରେ ବ୍ରିଟେନ ଚୀନ୍ର ଆଭ୍ୟନ୍ତରୀଣ ରାଜନୀତିରେ ହସ୍ତକ୍ଷେପ କରୁଥିବା ଅଭିଯୋଗ କରିଛନ୍ତି । ବାସ୍ତବରେ, ବ୍ରିଟେନ ହଂକଂର ସାଢ଼େ ତିନି ଲକ୍ଷ ବ୍ରିଟିଶ ପାସପୋର୍ଟଧାରୀ ଏବଂ ପ୍ରାୟ ୨୬ ଲକ୍ଷ ଅନ୍ୟ ଲୋକଙ୍କୁ ପାଞ୍ଚ ବର୍ଷ ପାଇଁ ବ୍ରିଟେନରେ ରହିବାକୁ ସୁଯୋଗ ଦେଇଛି । ଛଅ ବର୍ଷ ପୂରଣ ହେବା ପରେ ସେମାନେ ବ୍ରିଟେନର ନାଗରିକତ୍ୱ ପାଇଁ ମଧ୍ୟ ଆବେଦନ କରିପାରିବେ ବୋଲି ସୂଚନା ମିଳିଛି ।
ଚୀନ୍ର ହଂକଂରେ ଜାତୀୟ ସୁରକ୍ଷା ଆଇନ ପ୍ରଣୟନ ହେବା ପରେ ବ୍ରିଟେନ ଏହି ଘୋଷଣା କରିଛି । ନୂତନ ସୁରକ୍ଷା ଆଇନ ଅନୁଯାୟୀ, ହଂକଂ ଉପରେ ଚୀନ୍ର ନିୟନ୍ତ୍ରଣ ଆହୁରି ଦୃଢ଼ ହେବ । ବିଶେଷ ପରିସ୍ଥିତିରେ ପୋଲିସ ବର୍ତ୍ତମାନ କୌଣସି ୱାରେଣ୍ଟ ବିନା ସର୍ଚ୍ଚ ଅପରେସନ କରିବାକୁ ସକ୍ଷମ ହେବ, ସମ୍ପତ୍ତି ଜବତ କରିପାରିବ ଏବଂ ଗଣମାଧ୍ୟମକୁ ମଧ୍ୟ ନିଷିଦ୍ଧ କରିପାରିବ । ହଂକଂରେ ଯେକୌଣସି ବ୍ୟକ୍ତି କେବଳ ସନ୍ଦେହ ଆଧାରରେ ଚୀନ୍କୁ ପ୍ରତ୍ୟର୍ପଣ କରାଯାଇପାରିବ ।
ବ୍ରିଟେନକୁ ହଂକଂର ନାଗରିକତ୍ୱ ପ୍ରଦାନ କରିବାକୁ ଚୀନ୍ ମଧ୍ୟ ଧମକ ଦେଇଛି । ଚୀନ୍ କହିଛି, “ଏହା ବ୍ରିଟେନ୍ ର ନିଜସ୍ୱ ପ୍ରତିଶ୍ରୁତି, ଆନ୍ତର୍ଜାତିକ ନିୟମ ଏବଂ ଆନ୍ତର୍ଜାତିକ ସମ୍ପର୍କର ମୌଳିକ ନିୟମଗୁଡିକର ଏକ ଗମ୍ଭୀର ଉଲ୍ଲଂଘନ । ଚୀନ୍ ଏହାକୁ ନିନ୍ଦା କରେ ଏବଂ ଏହା ବିରୋଧରେ ଅଧିକ ପଦକ୍ଷେପ ନେବାକୁ ସମସ୍ତ ଅଧିକାର ଅଛି, ଯାହାକୁ ବ୍ରିଟେନ୍ ବହନ କରିବାକୁ ପଡ଼ିବ ।
