ପ୍ରସୂତିଙ୍କ, ଓଟି ଚାର୍ଜ ଓ ଷ୍ଟ୍ରେଚର ଚାର୍ଜ ବାବଦକୁ ନେଉଥିଲେ ଲାଞ୍ଚ ! ଭାଇରାଲ ହେଲା ଭିଡ଼ିଓ
ପୁରୀ: ପୁରୀ ମେଡିକାଲରେ ଲାଞ୍ଚ କାରବାର ଅଭିଯୋଗ । ହସପିଟାଲ୍ର ସ୍ତ୍ରୀ ଓ ପ୍ରସୂତି ବିଭାଗରେ ଜଣେ ଗର୍ଭବତୀଙ୍କ ସଂପର୍କୀୟଙ୍କଠାରୁ ମେଡିକାଲ କର୍ମଚାରୀ ଲାଞ୍ଚ ମାଗିଥିବା ଅଭିଯୋଗ ହୋଇଛି । ଗୋପ ଅଞ୍ଚଳର ସଂଗ୍ରାମ ପରିଡା ଏହି ଅଭିଯୋଗ ଆଣିଛନ୍ତି । ନିଜ ସମ୍ପର୍କୀୟଙ୍କ ପ୍ରସବ ପାଇଁ ସେ ଲାଞ୍ଚ ଦେଇଥିବା ଅଭିଯୋଗ କରିଛନ୍ତି ।
ଓଟି ଚାର୍ଜ, ଷ୍ଟ୍ରେଚର ଚାର୍ଜ ବାହାନାରେ ଏହି ଟଙ୍କା ମେଡିକାଲ କର୍ମଚାରୀ ନେଇଥିବା ସଂଗ୍ରାମ ଅଭିଯୋଗ କରିଛନ୍ତି । ଲାଞ୍ଚ କାରବାରର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ୍ ହୋଇଛି । ତେବେ ଏନେଇ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଏଡିଏମ୍ । ଦୀର୍ଘ ଦିନ ହେଲା ମେଡିକାଲରେ ଲାଞ୍ଚ କାରବାର ନେଇ ଅଭିଯୋଗ ହୋଇ ଆସୁଥିଲା । ଭିଡିଓ ଭାଇରାଲ୍ ହେବା ପରେ ମେଡିକାଲ କର୍ମଚାରୀଙ୍କ ସ୍ଵଛ କାର୍ଯ୍ୟକାରିତା ଉପରେ ପ୍ରଶ୍ନ ଉଠିଛି ।
ସୂଚନା ଅନୁସାରେ, ପ୍ରଥମେ ପ୍ରସୂତିଙ୍କ ପରିବାରଙ୍କୁ ଓଟି ଚାର୍ଜ, ଷ୍ଟ୍ରେଚର ଚାର୍ଜ ବାବଦକୁ ୨୨ଶହ ଟଙ୍କା ମାଗିଥିଲେ ମେଡ଼ିକାଲ କର୍ତ୍ତୃପକ୍ଷଷ । ପରେ ପୁଣି ୯ଶହ ଟଙ୍କା ଲାଞ୍ଚ ମାଗିଥିଲେ ଏବଂ ଟଙ୍କା ନ ଦେଲେ ସେମାନେ ନବଜାତ ଶିଶୁକୁ ଡିସଚାର୍ଜ କରିବେନାହିଁ ବୋଲି କହିଥିବା ପ୍ରସୂତିଙ୍କ ସମ୍ପର୍କିୟ ଅଭିଯୋଗ କରିଛନ୍ତି ।
