ଅଲାରନାଥ ମନ୍ଦିରର ହେବ ନବକଳେବର, ମୁଖ୍ୟମନ୍ତ୍ରୀ ଓ 5T ସଚିବଙ୍କୁ ଧନ୍ୟବାଦ ଜଣାଇଲେ ଅଞ୍ଚଳବାସୀ

ବ୍ରହ୍ମଗିରି: ଅଲାରନାଥ ମନ୍ଦିରର ହେବ ନବକଳେବର । ବର୍ଷକ ଭିତରେ ପାଇବ ନୂଆରୂପ । ପ୍ରଭୁ ଅଲାରନାଥଙ୍କ ଦର୍ଶନ କରି ଏପରି ପ୍ରତିଶ୍ରୁତି ଦେବା ପରେ ଫାଇଭ -ଟି ସଚିବଙ୍କୁ କୃତଜ୍ଞତା ଜଣାଇଛନ୍ତି ଅଞ୍ଚଳବାସୀ । ମୁଖ୍ୟମନ୍ତ୍ରୀ ଓ ଫାଇଭ୍‌- ଟି ସଚିବଙ୍କୁ ଧନ୍ୟବାଦ ଦେବା ସହିତ ଦୀପଦାନ କରିଛନ୍ତି । ଗତ ଗୁରବାର ଅଲାରନାଥଙ୍କ ପୀଠକୁ ଯାଇ ଦର୍ଶନ କରିବା ସହିତ ଏହାର ଉନ୍ନତି ପାଇଁ ପ୍ରତିଶ୍ରୁତି ଦେଇଥିଲେ ଫାଇଭ- ଟି ସଚିବ ଭି.କେ ପାଣ୍ଡିଆନ ।

୧୫ ଦିନ ଭିତରେ ମାଷ୍ଟର ପ୍ଲାନ୍ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଥିଲେ । ମୁଖ୍ୟମନ୍ତ୍ରୀଙ୍କ ଅନୁମୋଦନ ପରେ ଆରମ୍ଭ ହେବ କାମ । ମନ୍ଦିରକୁ ଆସୁଥିବା ଶ୍ରଦ୍ଧାଳୁ ଓ ସେବାୟତଙ୍କ ପାଇଁ ବ୍ୟାପକ ସୁବିଧା କରାଯିବ । ଏଥିସହ ସୌନ୍ଦର୍ଯ୍ୟକରଣ, ପାରିପାର୍ଶ୍ୱିକ ଉନ୍ନତି ଓ ଜଳ ନିଷ୍କାସନ ସମ୍ପର୍କରେ ମନ୍ଦିର ପ୍ରଶାସନ ଏବଂ ସେବାୟତଙ୍କ ସହ 5T ସଚିବ ଆଲୋଚନା କରିଥିଲେ । ବର୍ଷେ ଭିତରେ ଅଲାରନାଥ ମନ୍ଦିରର ଉନ୍ନତି ପାଇଁ ସେ ପ୍ରତିଶ୍ରୁତି ଦେଇଛନ୍ତି ।