ବ୍ରଜରାଜନଗର ଉପନିର୍ବାଚନ ପାଇଁ ସରଗରମ ରାଜନୀତି, ପ୍ରାର୍ଥୀଙ୍କ ପ୍ରଚାରରେ କମ୍ପୁଛି ମଇଦାନ

ବ୍ରଜରାଜନଗର: ଦୁଲୁକୁଛି ବ୍ରଜରାଜନଗର । ପ୍ରାର୍ଥୀଙ୍କ ପ୍ରଚାରରେ କମ୍ପୁଛି ମଇଦାନ । ନିଜ ନିଜ ପ୍ରାର୍ଥୀଙ୍କ ପାଇଁ ପ୍ରଚାର ମଙ୍ଗ ଧରିଛନ୍ତି ନିଜ ନିଜ ଦଳର ହେଭିଓ୍ବେଟ । ବୃହତ ବ୍ୟବଧାନରେ ବିଜୟ ହାସଲ ପାଇଁ ବିଜେଡି ପକ୍ଷରୁ ପ୍ରସ୍ତୁତ ହୋଇଛି ରଣନୀତି । ଷ୍ଟାର ପ୍ରଚାରକମାନେ ଗ୍ରାଉଣ୍ଡରେ ଆରମ୍ଭ କରିଦେଇଛନ୍ତି କଡ଼ା କସରତ । ଦଳୀୟ କର୍ମୀଙ୍କୁ ବିଜୟ ମନ୍ତ୍ର ଦେବା ସହ ବିରୋଧୀ ରଣନୀତିକୁ କିପରି ପାଣି ଫୋଟକା କରାଯିବ ସେ କୌଶଳ କର୍ମୀଙ୍କୁ ବତାଇଛନ୍ତି ବରିଷ୍ଠ ବିଜେଡି ନେତା ।

ସେପଟେ ଶାସକ ଦଳକୁ ଟକ୍କର ଦେବା ପାଇଁ ଦୁଇ ବିରୋଧୀ ବିଜେପି ଓ କଂଗ୍ରେସ ମଧ୍ୟ ପ୍ରଚାରକୁ ଜୋରଦାର କରିଛନ୍ତି । ୨୦ ତାରିଖରେ ବିଜେପି ଷ୍ଟାର ପ୍ରଚାରକମାନେ ମଇଦାନକୁ ଓହ୍ଲାଇବାକୁ ରଣନୀତି କରିଛି । ସେହିପରି କଂଗ୍ରେସ ବରିଷ୍ଠ ନେତାଙ୍କୁ ପ୍ରାର୍ଥୀ କରି ଉପ ନିର୍ବାଚନରେ ଭଲ ପ୍ରଦର୍ଶନ କରିବ ବୋଲି ଆଶା ରଖିଛି ।