ବ୍ରଜରାଜନଗର ବ୍ୟାଟେଲରେ ଜମୁଛି ଲଢ଼େଇ, ବାଜି ମାରିବାକୁ ସବୁ ଦଳର ସ୍ୱତନ୍ତ୍ର ରଣନୀତି

ବ୍ରଜରାଜନଗର: ବ୍ରଜରାଜନଗର ବ୍ୟାଟେଲରେ ଜମୁଛି ଲଢ଼େଇ । ବାଜି ମାରିବାକୁ ସବୁ ଦଳର ସ୍ୱତନ୍ତ୍ର ରଣନୀତି । ନିର୍ବାଚନ ତାରିଖ ପାଖଉଥିବା ବେଳେ ଭୋଟରଙ୍କ ମନ ଜିତିବାକୁ ଚାଲିଛି କସରତ୍ । ବିକାଶ ଆଉ ପ୍ରତିଶ୍ରୁତିର ନିକିତିରେ ନେତାଙ୍କୁ ତଉଲୁଛନ୍ତି ଭୋଟର । ବ୍ରଜରାଜନଗର ଉପନିର୍ବାଚନର ପ୍ରଚାର ମଇଦାନରେ ବିଜେଡି ଆଗରେ ଥିବାବେଳେ ଘରକୁ ଘର ବୁଲି ଭୋଟ ମାଗୁଛନ୍ତି ହେଭିଓ୍ୱେଟ୍ ।

ରାଜ୍ୟ ସରକାରଙ୍କ ବିକାଶକୁ ଆଧାର କରି ନିର୍ବାଚନ ଲଢୁଛି ଶାସକ ଦଳ । ମୁଖ୍ୟମନ୍ତ୍ରୀଙ୍କ ସ୍ୱଚ୍ଛ ଶାସନ ଓ ସରକାରଙ୍କ ସଫଳତାକୁ ନେଇ ଲୋକଙ୍କ ପାଖକୁ ଯାଉଛନ୍ତି ନେତା । ପଞ୍ଚାୟତ ଓ ପୌର ନିର୍ବାଚନର ରେକର୍ଡକୁ କାଟି ନୂଆ ରେକର୍ଡରେ ବିଜୟ ପାଇଁ ଦଳ କରିଛି ବ୍ଲୁପ୍ରିଣ୍ଟ । ସେପଟେ ମଇଦାନରେ ଶାସକ ଦଳକୁ ଟକ୍କର ଦେବାକୁ ଲାଗି ପଡ଼ିଛନ୍ତି ବିରୋଧୀ । ପ୍ରତିଶ୍ରୁତି ଦେଇ ଲୋକଙ୍କ ମନ ଜିତିବାକୁ ଉଦ୍ୟମ କରୁଛନ୍ତି ଉଭୟ କଂଗ୍ରେସ ଓ ବିଜେପି । ଉଭୟ ଦଳ କେନ୍ଦ୍ରୀୟ ଓ ପଡ଼ୋଶୀ ନେତାଙ୍କ ଉପରେ ଭରସା କରିଛନ୍ତି । କିନ୍ତୁ ଏହା ତାଙ୍କ ପାଇଁ ବୁମେରାଂ ହେବ ବୋଲି କହିଛି ବିଜେଡି ।